Kutwula 20:2 - KITABU KITAKATIFU

² Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 20:2 ပူးပေါင်းရင်းမြစ်များ

1 Avami 18:39

Na vandu yavo vosi lwa va lola yago, va gwa mammama: ni va vola, Yahova a veye Nyasaye; Yahova a veye Nyasaye.

2 Avami 17:12

na va tumekira vifwananyi, vya Yahova ya va gaya, na a vola, Si mu la kola yaga mba.

2 Avami 17:7

Ga li ndiyo, kigira avana va Israeli va kola ubwoni ku Yahova Nyasaye wavo, wa va twulidza mu kivala kya Egepeti, kutwula isi womukono gwa Farao mwami wa Egepeti, na va tia vanyasaye vandi

2 Kyetsinyinga 28:5

Kigira yaga Yahova Nyasaye wewe ya mu vika mmukono gwo mwami wa Siria; na va mu kuya, na va hila kiduma kinene kya va hambe ku vandu veve, na va tsia navo Damasko. Kandi mwene ya vikwa mmukono gwomwami wa Isra eli, ya mu kuya likuywa lyokwiitua linene.

Zaburi 50:7

Avandu vange, mu hulire, na nda vola; O Israeli, na nda ku lolekidzira: Mbeye Nyasaye, kali Nyasaye wowo.

Zaburi 81:10

Inze mbeye Yahova Nyasaye wowo, Wa ku twulidza mu kivala kya Egepeti: Kunula ligali munwa gugwo, na inze nda kwizulitsa.

Zaburi 81:11

Navutswa avandu vange si va hulira mwoyo gwange; Na Israeli si venya inze.

Zaburi 81:7

Mu kivi wanira, na inze nda ku honnya; Nda ku tivulira mbuvisi bwenkupa; Nda ku geridza ha amadzi ga Meriba. [Selaha

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 15:16

Litihidzwa nobutii bu va gumiye; Ku bunene bwomukono gugwo, va kiring'ana kuli ligina; Kuduka avandu vovo vambuka, O Yahova, Kuduka avandu ava wa gula, vambuka.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 20:1

Na Nyasaye ya vola makuva yaga gosi, na a vola,

Kutwula 29:46

Navo va la manya inze mbeye Yahova Nyasaye wavo, wa va leta kutwula mu kivala kya Egepeti, nduke kumenya halala navo: mbeye Yahova Nyasaye wavo.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Jeremia 16:14

Kigira yaga, henza, madiku gadza Yahova a vola, mmadiku gene yago iikuva yili si li la volwa kandi mba, Kuli Yahova a veve mwoyo, wa leta avana va Israeli kwanegira kutwula mu kivala kya Egepeti;

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 31:1

Yahova a vola, inyinga yeyo nda va Nyasaye wobwiko bwosi bwa Israeli, navo va la va avandu vange.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 34:13

Yahova, Nyasaye wa Israeli, a vola ndi: Inze nda kola lilagana navaguga venyu mu lidiku lya nda va twulidza mu kivala kya Egepeti, kutwula mu inyumba yobutugwa, ni mbola,

Ezekieli 20:19

Inze mbeye Yahova Nyasaye wenyu: mu gende mu malago gange, kugumira miima gyange, nokugakola;

Ezekieli 20:5

kandi u va volere, Mwami Nyasaye a vola ndi: Mu lidiku lya nda tovola Israeli, nokuginga umukono gwange ku visukululwi vye nyumba ya Yakobo, nokwelang'aminya kuvo mu kivala kya Egepeti, lwa nda visuhira, nokuvola, Inze mbeye Yahova Nyasaye wenyu;

Ezekieli 20:7

Na nda va volera, Mu te sa mulala kivihiri kyetsimoni tsitsye, mu vule kweyononnyira ku vifwananyi vya Egepeti; inze mbeye Yahova Nyasaye wenyu.

Hosea 12:10

Kandi mmali kuvolera vaprofeti, kandi mmali kumeda amalola; noku butumwa bwavaprofeti ntumikiye tsing'ano.

Hosea 13:4

Navutswa inze mbeye Yahova Nyasaye wowo kutwula ku kivala kya Egepeti; na ive u la vula kumanya Nyasaye wundi kali mulala na a ta li inze, si ha veye nomuhonnyi wundi u meda ku inze.

Kyavalevi 11:45

Kigira inze mbeye Yahova wa mwanegiridza kutwula mu kivala kya Egepeti, nduke kuva Nyasaye wenyu: kunangwa mu la va avatakatifu, kigira inze mbeye mutakatifu.

Kyavalevi 19:36

Mu ve netsiratili tsinungi, na vyokugera vilungi, na efa inungi, na ihin inungi: inze mbeye Yahova Nyasaye wenyu, wa mu leta kutwula mu kivala kya Egepeti.

Kyavalevi 23:43

visukululwi vyenyu vi duke kumanya ga nda kolera avana va Israeli kumenya mu madiri, lwa nda va leta kutwula mu kivala kya Egepeti: inze mbeye Yahova Nyasaye wenyu.

Kyavalevi 25:38

Inze mbeye Yahova Nyasaye wenyu, wa mu twulidza mu kivala kya Egepeti, kumuha kivala kya Kanani, nokuva Nyasaye wenyu.

Kyavalevi 25:42

Kigira va veye avatumekiri vange, ava nda twulidza mu kivala kya Egepeti: va la vula kugulidzwa kuva avatugwa.

Kyavalevi 25:55

Kigira avana va Israeli va veye avatumekiri vange; ava nda twulidza mu kivala kya Egepeti: inze mbeye Yahova Nyasaye wenyu.

Kyavalevi 26:1

Mu telombera vifwananyi ku vyosi, mu tesingeridzira vifwananyi kya vadzwa, kinga kinara kandi mu ta vika ligina lya vadzwa mu kivala kyenyu, kulisigamira: kigira inze mbeye Yahova Nyasaye wenyu.

Kyavalevi 26:13

Inze mbeye Yahova Nyasaye wenyu, wa mu twulidza mu kivala kya Egepeti, mu vule kuva avatugwa vavo; na mmali kuvunanya misala gya inira yenyu, nokumusingeridza mu gende bulungi.

Amosi 2:10

Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori.

Varumi 10:12

Kigira si ha veye nelyavukana mu Vayuda na Vegreki: kigira uyu Mwami mulala a veye Mwami wa vosi, kandi a veye mutugi ku vosi ava mwanira:

Varumi 3:29

Nyasaye a ve wa Vayuda veng'ine naho? Si a li Nyasaye we Tsihiri kandi? Yee, nowe Tsihiri kandi:

Kwidzulitsa 13:10

U la mu lasa magina a kudze, kigira yenya kukuhinula kutwula ku Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Kwidzulitsa 5:15

Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 7:8

navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Vakalagi 2:1

Ma, ingelosi wa Yahova yanegira kutwula Gilgali kutsia Bokim. Naye ya vola, Nda mwanegiridza kutwula mkivala kya Egepeti, na mali kumuleta kuduka mu kivala kya ndisuhira avaguga venyu; nda vola, Ligali si ndononnya lilagana lyange lya nda lagana nemwinye, mihiga nemihiga:

Vakalagi 6:10

na nda mu volera, Inze mbeye Yahova Nyasaye wenyu; si mu la tia avanyasaye va Vaamori, ava mu menyi mu kivala kyavo. Navutswa mwinye mwa vula kuhulira mwoyo gwange.