Kutwula 20:17 - KITABU KITAKATIFU

¹⁷ U ta kayirwa inyumba yowakyo mba, u ta kayirwa mukali wowakyo mba, kinga mutugwa muyai wewe, kinga mutugwa mukana wewe, kinga ing'ombe yeye, kinga isukiri yeye, kinga kilala ku vyosi vya a veye navyo.

Kutwula 20:17 ပူးပေါင်းရင်းမြစ်များ

Litanga 14:23

kuvola, si nda vugula kali luvusi kinga rnugoye gwevilatu kinga ku vyosi vi veye vivyo, gase u la vola, Inze nkoli Abram kuva mutugi:

Litanga 3:6

Na mukali lwa ya lola musala zana gu veye mulahi kulia, nagwo kandi gu yanzidza tsimoni, na kandi nomulahi kugerihidza, ya vugula ku makuyu gagwo, na a lia; kandi ya ha musatsa wewe halala naye, na a lia.

Litanga 34:23

Tsing'ombe tsyavo, nobutugi bwavo, nemitugu gyavo gyosi, si vi la va vyetu? Ku bugirire inkuva yiyi yeng'ine kuvo, navo va la menya halala na kwinye.

Ayubu 31:1

Nombi lilagana netsimoni tsyange; Kunangwa nyala ndi kuhenza mukana?

Ayubu 31:9

Mwoyo gwange ni gu va ni gu goonywa ntsie ku mukali, Na inze ni mba ni ninda mu kiliango kyomutende wange;

Zaburi 10:3

Kigira mudamano yiidzominya ku likayirwa lyomwoyo gwigwe, Nokugasidza wemoni yokukayirwa, yee, a legannya Yahova.

Zaburi 119:36

U yekidze mwoyo gwange ku lilo lekidza lilyo, Gu ta yeka ku likayirwa.

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Tsing'ano 6:29

Ni ndiyo a veye uyu wingiranga ku mukali womutende; Ku vosi u dira mukali uyu, si a la vula kukalagirwa.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Isaya 33:15

Uyu u gendanga mbulungi, nokuvola agobulungi; u leganga vyambeti vi nyolekanga ku lidambidza, uyu wuhanga makono gege ga vule kuvugula vikukula, u hananga amatu gege ga vule kuhulira ga masahi, nokumwolidza tsimoni tsitsye a vule kuhenza ubudamano:

Isaya 57:17

Kigira ubudamano bwelikayirwa lilye nda mu vihirirwa, nokumukuya; nda visa mmoni mwange ni mbihiri rwa; na ya hongera kwirana inyima ku inzira yomwoyo gwigwe.

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 5:8

Va li kuli tsiparasi tsinkomeru tsi voyavoyanga; sa mulala a volidza mukali wowakye.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Mika 2:2

Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.

Habakuk 2:9

O bayaye ku uyu u nyoleranga inyumba yeye vyambeti vyobudamano, a duke kuvika inyumba yeye igulu, a duke kuhonywa ku mukono gwobudamano

Matayo 20:15

Si bu li bulahi inze nkole kuli wa nyanza ku vindu vyange? Naho imoni yoyo i veye indamano kigira inze mbeye mulahi.

Matayo 5:28

navutswa inze mmu volera, ku vosi u henza mkali na a mkayirwa, u mali kuheya naye mmwoyo gwigwe.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

Luka 16:14

Kandi Avafarisayo ava veye avayanza ubutugi, va hulira vindu yivi vyosi; ni va mu kolera kihenyahenye.

Vikolwa 20:33

Si nda kayirwa ifetha yomundu kinga thahabu kinga tsingubo.

Vikolwa 5:4

Inyinga gwa li gugwo si gwa li ubutugi bubwo mwene? Kandi lwa gu mali kugulwa, si gwa li mu tsingulu tsitsyo? Kigira ki u ganagana ndi mu mwoyo gugwo? Si u volera mundu ububehi, navutswa u volera Nyasaye.

Varumi 13:9

Kigira amalago yaga, U ta heya mba, U tiita mba, U tiba mba, U ta kayirwa mba kindu kyowundi, kandi ni ga veyeho lilaga lindi li tsukanyeywi mu likuva yili, nalyo ni yili, U yanze mutende wowo kuli weyanza.

Varumi 7:7

Kunangwa ku la vola ki? Lilaga li veye bwoni? Ga ta va ndiyo. Navutswa si nda li manye bwoni bugira lilaga: kigira si nda li manye likayirwa bugira lilaga kuvola, U ta kayirwa mba.

1 Vakorintho 6:10

kinga avivi, kinga avakayirwa vyavene, kinga avahambiki, kinga avanyegi, kinga avanuuli, si va nyala kunyola ubwami bwa Nyasaye.

Vafeso 5:3

Navutswa kutsia mbakana, nobudamano bwosi, kinga likayirwa, vi ta talwa mu mwinye mba, kuli aga dukira avatakatifu;

Vafeso 5:5

Kigira mu manya ligali yaga, muheyi, kinga mudamano, kinga mukayirwi, u veye wemisambwa, si a veye nemiyandu kali mulala mu bwami bwa Kristo na Nyasaye.

Kwidzulitsa 5:21

Kandi u ta kayirwa mukali womtende mba, kandi u ta kayirwa inyumba yomtende mba; kandi mulimi gwigwe, kandi mutugwa wewe muyai, kinga mukana, kinga ing'ombe yeye, kinga isukiri yeye, kinga kindu ku vyosi kyo wakyo a veye nakyo.

Kwidzulitsa 7:25

Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Vafilipi 3:19

avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

Joshua 7:21

lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.

1 Samweli 12:3

Mbe hano: mu lolekidze ku inze imbiri wa Yahova, na imbiri wombake wewe: neng'ombe ya bwaha ya nda vugula? Kinga nesukiri ya bwaha ya nda vugula? Kinga ni bwaha wa nda ganga? Nda dambidza bwaha? Nda vugula vikukula ku mukono gwa bwaha, kuduka ku vakulidza navyo tsimoni tsyange na nda virannye ku mwinye.

1 Samweli 15:19

Kunangwa kigira ki si wa hulira mwoyo gwa Yahova, navutswa wa tuuma ku vilanye, nokukola gobudamano imbiri wa Yahova?