Kutwula 20:12 - KITABU KITAKATIFU

¹² Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Kutwula 20:12 ပူးပေါင်းရင်းမြစ်များ

Litanga 48:12

Na Yosefa ya leta avana veve va twula ha masigamo gege; naye yeyinaminya kuduka hasi.

Litanga 50:12

Na avana veve va mu kolera kuli wa ya va laga:

1 Avami 2:19

Ma Bathsheba ya tsia ku mwami Solomoni, kumuvolera aga Adonija. Na mwami ya singira kumwaganira, naye ya mwinamira, na yikala ku intebe yeye yobwami, na ya haana munwa, intebe yobwami i vikerwe mama womwami, na yikala ku luvega lyomukono gwigwe mu lungi.

2 Avami 2:12

Na Elisha ya lola, na a hanzuka na a vola, Dada wange, dada wange, magari ga Israeli navokunina ku tsiparasi vovo. Na a vula kumulola kandi: na ya gumira tsingubo tsitsye mwene, nokutsitandula tsimbaala tsiviri.

Kutwula 21:15

Uyu u duyanga dada wewe, kinga mama wewe, ligali a liitwa.

Kutwula 21:17

Uyu u laamanga dada wewe kinga mama wewe, ligali a liitwa.

Tsing'ano 15:5

Musiru a leganga lihebwa amageli na dada wewe; Navutswa u bugiriranga lyegidzwa a nyolanga ubugeeri.

Tsing'ano 17:6

Avana va avana va veye itaji yavasakulu; Na ubukumi bwavana bu veye avadada vavo.

Tsing'ano 20:20

Ku vosi uyu u nyega dada wewe kinga mama wewe, Itaya yeye i la siminyirwa mu kisundi kinene.

Tsing'ano 28:24

Ku vosi uyu u nuula dada wewe kinga mama wewe, na a vola, Yaga si ga veye lihyolo, Wa zana a veye wakye womwononnyi.

Tsing'ano 3:16

Ubutambi bwamadiku bu veye mmukono gwigwe mulungi; Na mu mukono gwigwe mmosi a veye nobutugi na lidzominywa.

Tsing'ano 30:11

Ha veye nelikula lya nyega dada wavo Na va vula kugasidza mama wavo.

Tsing'ano 30:17

Imoni i sekanga dada wewe, Nokulega lihulira mama wewe, Amajikolo gomwivona ga la gi somola, Na viminyo vyendidzu vi la gi lia.

Jeremia 35:18

Na Jeremia, ya volera venyumba ya Varekabu, Yahova wa mahe Nyasaye wa Israeli, a vola: Kigira mwa hulira lilaga lya guga wenyu Jonadabu, nokuhulira lyeganehidza lilye lyosi, nokukola kuli gosi aga ya mu laga;

Jeremia 35:7

kandi mu tombaka inyumba, kandi mu ta midza bugutsa, kandi mu ta simika milimi gyamazabibu, kandi mu ta va nagyo: navutswa mu la menya mu mahema madiku gosi; mu duke kuhindira mu kivala kya mu menya mu avamenyi madiku manyingi.

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Kyavalevi 19:3

Ku vosi mundu a tie mama wewe, na dada wewe; na mu linde masabato gange: inze mbeye Yahova Nyasaye wenyu.

Kyavalevi 19:32

U la singirira wetsimbudzi, nokwidzominya musakulu, na u la tia Nyasaye wowo: inze mbeye Yahova.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Matayo 19:19

Widzominye dada wowo na mama wowo; kandi, U yanze mutende wowo kuli weyanza.

Marko 10:19

U manya malago, U tiita mba, U ta kola ubuheyi mba, U tiba mba, U ta gina mba, U ta ganga mba, Widzominye dada wowo na mama wowo.

Marko 7:10

Kigira Musa ya vola, Widzominye dada wowo na mama wowo; kandi, U nyega ise kinga mama, likudza, a kudze:

Luka 18:20

Ive u manya malago; U ta heya mba, U tiita mba, U tiba mba, U ta gina mba, Widzominye dada wowo na mama wowo.

Vafeso 5:21

mwegehidzirane avene navene mu butii bwa Kristo.

Kwidzulitsa 11:8

Kunangwa mu gumire amalago gosi aga mmu laganga lero, mu duke kuva netsingulu, mwingire kugumira kivala, liya mwambukanga yo kukigumira;

Kwidzulitsa 11:9

na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.

Kwidzulitsa 21:18

Mundu na a va na a veye no mwana mutingu, nou ekirage u sula kuhulira mwoyo gwa dada wewe, kinga mwoyo gwa mama wewe, invinga va mu gerehidza, a sula kuvahulira;

Kwidzulitsa 25:15

U ve nekyokugera tsiratili ki dukanu; nekigero ki dukanu: madiku gogo ga duke kuva manyingi mu kivala kya Yahova Nyasaye wowo a ku ha.

Kwidzulitsa 27:16

A laamwe u kyayanga dada wewe kinga mama wewe. Navandu vosi va vole, Amini.

Kwidzulitsa 32:47

Kigira si ga veye amakuva ga vutswa ku mwinye; kigira ga veye livamwoyo lyenyu, noku inkuva yiyi ma madiku genyu mu la ga kola manyingi ku kivala, kya mwambukanga Yordani kukigumira.

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Vakolosai 3:20

Mwinye avana, mu hulire avivuli venyu mu vindu vyosi, kigira yiki ki yanzekanga mu Mwami.

Ruth 3:6

Naye ya sulunguta ku lodze, na a kola kuli gosi ga navizala wewe ya mu volera.

1 Samweli 22:3

Inyinga yeyo Daudi ya tsia Mizipe lya Moabu: na ya volera mwami wa Moabu, Mwadza, u bugirire dada wange na mama wange, va twule ha va veye, va ve halala nive kuduka inyinga ya ndi manya kya Nyasaye a li kolera inze.