Kutwula 2:11 - KITABU KITAKATIFU

¹¹ Kunangwa mu madiku yago, Musa lwa ya duka kuva mukulundu, ya twula na a tsia ku avamwavo veve, na a henza misigo gyavo: naye ya lola Muegepeti a kuyanga Muhebraina, mulala ku avamwavo veve.

Kutwula 2:11 ပူးပေါင်းရင်းမြစ်များ

Kutwula 1:11

Kunangwa va vika kuvo avasingiriri kuvadambidza nemisigo gyavo. Navo vombakira Farao madala gokuvika mu ubutugi, Pithom na Ramesese.

Kutwula 3:7

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo;

Kutwula 5:14

Na avanyampara va avana va Israeli, ava vasingiriri va Farao ya va vikira, va kuywa, ni va tevwa, Kigira ki mwinye si mu dukidzi lididikana lyenyu mgolova, na lero, kulomba matafali kuli matsyambiri?

Kutwula 5:4

Na mwami wa Egepeti ya a va volera, Kigira ki mwinye, Musa na Haruni, mu twulidza avandu ku miyinzi gyavo? Mu tsie ku misigo gyenyu.

Kutwula 5:5

Na Farao ya vola, Henzi, avandu vekivala va veye vanyingi, na mwinye mu va sosidzanga va leke misigo gyavo.

Kutwula 5:9

Miyinzi midinyu kukira gyi vikwe ku avandu yava, va yinzire mugyo; va ta yeka ku makuva gobubehi.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 58:6

Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

Matayo 11:28

Hambi ino mwinye mwosi ava nyankananga ku miyinzi midinyu nava minika, na inze nda mu sosidza.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,