Kutwula 19:9 - KITABU KITAKATIFU

⁹ Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 19:9 ပူးပေါင်းရင်းမြစ်များ

1 Avami 8:12

Inyinga yeyo Solornoni ya vola, Yahova ya vola a la menya mu kisundi kinene.

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

2 Kyetsinyinga 6:1

Hene yaho Solomoni ya vola, Yahova ya vola a la menya mu kisundi kinene.

Zaburi 97:2

Malesi na kisundi vi mu kumbiridza: Ubulungi na likalaga vi veye muse gwentebe yeye yobwami.

Zaburi 99:7

Ya va volera makuva mu munara gwelilesi: Va gumira lilolekidza lilye, Na amalago ga ya va ha.

Kutwula 14:31

Na Israeli va lola miyinzi minene gya Yahova ya kola ku Avaegepeti, na avandu va tia Yahova: na va suuvira Yahova, na mutumekiri wewe Musa.

Kutwula 19:16

Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera.

Kutwula 20:21

Na avandu va singira ihale, na Musa yesunda ku kisundi kinene ha Nyasaye ya li.

Kutwula 34:5

Na Yahova yikira mu lilesi, na a singira imbiri wewe, nokwilwadza lieta lya Yahova.

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Kutwula 4:5

va duke kusuuvira ni Yahova, Nyasaye wa vaguga vavo, Nyasaye wa Abrahamu, Nyasaye wa Isaka, na Nyasaye wa Yakobo, u loleki ku ive.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 7:9

na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa.

Livalidza 12:5

Na Yahova yika munara gwelilesi, na a singira ha kiliango kya Lihema, na a langa Haruni na Miriamu; navo vombi va twula.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Marko 9:7

Malesi gadza i ga va kinga: kandi amakuva ga twula mu malesi ni ga vola, Uyu nu Mwana wange wa nyanza: mu mu hulire.

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Kwidzulitsa 4:10

ku lidiku lya wa singira imbiri wa Yahova Nyasaye wowo ha Horebu, inyinga Yahova ya mbolera, U vungidzire avandu, na nda leta kuvo makuva gange va ga hulire, va duke kweyegidza kutia inze madiku gosi gelimenya yavo ku lirova, kandi va duke kwegidza avana vavo.

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.