Kutwula 19:6 - KITABU KITAKATIFU

⁶ na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

Kutwula 19:6 ပူးပေါင်းရင်းမြစ်များ

1 Avami 3:8

Kandi mutumekiri wowo a veye hagati ha avandu vovo va wa tovola, navo va veye avandu vanene, ava ta nyala kuvalidzwa, kinga ava ta nyala kuvolerwa bunyingi bwavo.

1 Avami 8:53

Kigira ive wa vahula nokuvatwulidza mu avandu vosi velirova, va ve miyandu gyigyo, kuli wa vola nomunwa gwa Musa mutumekiri wowo, lwa wa leta vaguga vetu kutwula mkivala kya Egepeti, O Yahova Nyasaye.

1 Kyetsinyinga 17:22

Ki gira wa kola avandu vovo Israeli kuva avandu vovo mwene mihiga nemihiga; na ive, Yahova, wa gwa Nyasaye wavo.

Zaburi 114:2

Yuda ya duka kuva hatakatifu hehe, Na Israeli ubwami bwibwe.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 22:31

Mu ve avatakatifu ku inze: kigira yaga mu ta lia inyama ya tsinyama tsyomigendinyama tsya donyanya; mu he tsimbwa.

Kutwula 28:36

Kandi u la Imnba kibale kyethahabu indahi, na u la vadza ku kuli muhuri, makuva yaga, MUTAKATIFU KU YAHOVA.

Isaya 43:4

Kigira ive u veye wobuguli budinyu mbiri wetsimoni tsyange, no welidzominywa, na nku yanzi; kunangwa kigira yaga nda haana avandu mu bugono bubwo, netsihiri nda haana mu bugono bwelivamwoyo lilyo.

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Isaya 66:21

Kandi mu avandu yavo nda vugula mu avandu va ve avasalisi na Avalevi, Yahova a vola.

Jeremia 13:11

Kigira ga veye kuli musipi gu hambana nekikenge kyomundu, ni ndiyo inze ndehambannya inyumba yosi ya Israeli nenyumba yosi ya Yuda, Yahova a vola; va duke kuva ku inze avandu nelieta, nelidzominywa, nobukumi, navutswa si va bugirira kuhulira mba.

Jeremia 2:3

Israeli va li vata katifu ku Yahova, ubuhya bwelimedeka lilye: vosi ava li mu mira va la validzwakuva ne lihyolo; budamano bu la duka kuvo, Yahova a vola.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Kyavalevi 19:2

U volere livugana lyosi lya avana va Israeli, nokuvavolera, Mu ve avatakatifu; kigira inze Yahova Nyasaye wenyu mbeye mutakatifu.

Kyavalevi 20:24

Navutswa mmu voleve, Kivala kyavo ki la va miyandu gyenyu, na nda mu ha kivala kizula amaveere nobwuki kuva kyenyu: inze mbeye Yahova Nyasaye wenyu, wa mwahula ku tsihiri.

Kyavalevi 20:26

Na mwinye mu la va avatakatifu vange: kigira inze, Yahova mbeye mutakatifu, wa mu twulidza mu tsihiri, mu duke kuva avange.

Kyavalevi 21:23

navutswa a la vula kwingira mu ingubo yokukinga, kandi a la vula kwisunda ku bwali, kigira a veye mulerna; a vule kwononya hatakatifu hange: kigira mbeye Yahova u va takasanga.

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Livalidza 16:3

navo vevuganya halala kuhing'ana na Musa na Haruni, ni va va volera, Mwevugulira kuvita kigero, kigira livugana lyosi li veye litakatifu, sa mulala muvo, na Yahova a veye hagati havo: kigira ki mweyidzominya avene kuvita avelivugana lya Yahova?

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

1 Vakorintho 3:17

Ku vosi mundu ni yononnya litempeli lya Nyasaye, Nyasaye a la mwononnya; kigira litempeli lya Nyasaye li veye litakatifu, nalyo ni mwinye.

Kwidzulitsa 14:21

Mu ta lia ikindu kyekudziye kyene mba u nyala kuha mugeni u veye mu kiribwa kikyo, a lie; kinga kugulidza mugeni: kigira u veye ihiri intakatifu ku Yahova Nyasaye wowo. U ta dekera kimeme mmaveere ga nnya.

Kwidzulitsa 26:19

na a la ku vika igulu ku tsihiri tsyosi tsya ya lomba, ku ubukumi, noku lieta, noku lidzominywa; u duke kuva ihiri intakatifu ku Yahova Nyasaye wowo, kuli ya vola.

Kwidzulitsa 28:9

Yahova a la ku kola kuva ihiri imakatifu kuye, kuli ya kwisuhira; nu u va nu u gumira malago ga Yahova Nyasaye wowo, nokugenda mu tsinzira tsitsye.

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

1 Vatesalonike 5:27

Nzeganehidza mwinye ku Mwami, ibaruwa yiyi i somerwe avamitu vosi.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 1:6

na a ku kola ubwami navasalisi va Nyasaye wewe, Dada wewe; ubukumi bu ve kuye na lyameha kuduka imihiga nemihiga. Amini.

Likunula 20:6

A veye nobugasu nobutakatifu uyu u veye nelisanga mu lisimugukidzwa lyokutanga: ku yavo likudza lyakaviri si li veye netsingulu; navutswa va la va avasalisi va Nyasaye nava Kristo, kandi va lameha halala naye mihiga elfu.

Likunula 5:10

nokuvakola ubwami navasalisi ku Nyasaye wetu; kandi va lameha ku lirova.