Kutwula 19:4 - KITABU KITAKATIFU

⁴ Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Kutwula 19:4 ပူးပေါင်းရင်းမြစ်များ

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Hosea 11:1

Lwa Israeli ya li mwana, nda mu yanza, na nda langa mwana wange kutwula Egepeti.

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Malaki 2:10

Kwinye kwosi si ku veye na dada mulala? Si a veye Nyasaye mulala wa ku lomba? Kigira ki kwinye ku tumekiranga ubugadi sa mulala ku amwavo wewe, ni kwononnya amalaga ga vaguga vetu?

Kwidzulitsa 1:30

Yahova Nyasaye wenyu wimiranga imbiri wenyu, a la mu lwanira kuli vyosi vya ya mu kolera mu Egepeti imbiri wetsimoni tsyenyu

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Kwidzulitsa 29:1

Yaga namakuva gelilagana lya Yahova ya laga Musa a lombe navana va Israeli mu kivala kya Moabu, li medwa ku lilagana lya ya lomba navo mu Horebu.

Kwidzulitsa 29:2

Na Musa yanira ku Israeli vosi, na a va volera, Mu loli vyosi vya Yahova ya kola ku Farao mu kivala kya Egepeti imbiri wetsimoni tsyenvu, uyu na vatugwa veve vosi, nekivala kikye kyosi;

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Joshua 23:3

mu loli gosi ga Yahova Nyasaye wenyu ya kolera avetsihiri yitsi tsyosi kigira mwinye; kigira Yahova Nyasaye wenyu, niye wa lwanira mwinye.

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.