Kutwula 19:18 - KITABU KITAKATIFU

¹⁸ Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Kutwula 19:18 ပူးပေါင်းရင်းမြစ်များ

Litanga 11:5

Na Yahova yika a duke kulola lidala na munara, gwa avana va vandu vombaka.

Litanga 15:17

Kunangwa, liuva lwa ya yera, na ha li ne kisundi, henza, kisambiru kyo mwoki, nolumuli lwetsimemo lwa vita hagati hevidieli vyetsinyama.

Litanga 19:28

na ya henza ku luvega lwa Sodoma na Gomora, noku luvega lwekivala kyosi kye Kereremu, na a lola, na, henza, mwoki gwekivala gu vuya kuli mwoki gwekisambiru kinene.

Nehemia 9:13

Kandi wika ku kigulu kya Sinai, na wa volerana navo nomwoyo gwa twula migulu, na wa va ha miima gyobulungi namalago geli gali, namalago malahi, nelilagana,

Zaburi 104:32

U henza lirova na li degera; Ya dira vigulu na vi vuya mwoki.

Zaburi 114:4

Vigulu vya tumatuma kuli magondi, Na tugulu kuli avana va magondi.

Zaburi 114:7

U degere, ive lirova, mmoni mwo Mwami Imbiri wa Nyasaye wa Yakobo

Zaburi 144:5

O Yahova, winaminye ligulu lilyo, wike: U dire vigulu navyo vi la vuya mwoki.

Zaburi 18:9

Yinaminya ligulu kandi, na yika hasi; Kisundi kinene kya li isi wevirenge vivye.

Zaburi 68:9

Ive, O Nyasaye, wa kupidza imbula inyingi, Miyandu gyigyo lwa gya li ni gyi kudzi mwoyo, wa gyi singeridza.

Zaburi 77:18

Mwoyo gwenkupa yoyo gwa li mukihudzudzi; Tsimpeni tsya hemahema mu lirova: Lirova lya degera, nokudengeya.

Zaburi 77:19

Muhanda gugwo gu veye mu inyanza, Na tsinzira tsitsyo tsi veye mu amadzi manene Na ligenda lilyo si li manyekana mba.

Kutwula 19:13

a la vula kudirwa nomukono gwa mundu kali mulala, navutswa ligali a liitwa nelilaswa magina, kinga nelitumitwa; ni i va inyama kinga na a va mundu, si a la va mwoyo mba: lwa kisiliva ki langirira ligali, va lesunda himbi ku kigulu

Kutwula 19:17

Na Musa ya leta avandu kuvatwulidza mu lisosa kuvugana na Nyasaye; navo va singira ku luvega lwa isi wekigulu.

Kutwula 20:18

Na avandu vosi va hulira tsinkupa, nokulola tsimpeni, nokuhulira mwoyo gwekisiliva, na kigulu kya vuva mwoki: na lwa avandu va lola yivi va degera, ni va singira ihale.

Kutwula 24:17

Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Kutwula 3:2

Na ingelosi wa Yahova ya loleka kuye mu lumemo lwomuliru, lwa li hagati ha kasala: naye ya lola, na henza, kasala kaaduka muliru, na kasala ka vula kuhya.

Kutwula 34:2

Na wetegeke mugamba, na wanegire mugamba mu kigulu kya Sinai, mwene u singire imbiri wange ku isonga yekigulu.

Isaya 6:4

Na mise gyemilia ngo gya degera kigira mwoyo gwa uyu wa vola, na inyumba yizula mwoki.

Isaya 64:1

Nkano watannya ligulu, nokwika hasi, vigulu vi duke kudegera imbiri wowo,

Jeremia 4:24

Nda lola vigulu, henza, vya degera, notu gulu twosi twa tumatuma.

Habakuk 3:6

Ya singira, na a gera lirova; Ya henza, na a salannya tsihiri; Vigulu vyemihiga nemihiga va salannywa kandi; Tugulu twemihiga nemihiga twinaminya mitwe gyatwo; Tsing'endo tsitsye tsya li kuli tsya kale.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 24:7

Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

Kwidzulitsa 33:2

Na a vola, Yahova ya twula Sinai, Ya va vukira kutwula Seiru; Ya ng'ereng'ana mkigulu kya Paran Yadza halala navatakatifu tsielfu likumi: Ku mukono mulungi gwigwe ha veye nelilaga lyomuliru kuvo.

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

Kwidzulitsa 5:22

Makuva yaga Yahova ya volera livugana lyenyu lyosi mu kigulu, nomwoyo munene kutwula hagati ho muliru, nelilesi, nekisundi kinene: na si ya meda ku mba. Naye ya ga ng'oda ku vibao viviri vya magina, na ya mpa.

Kwidzulitsa 5:4

Yahova ya volerana na mwinye moni namoni ha kigulu nomwoyo gwa twula hagati ho muliru

2 Vatesalonike 1:7

navutswa mwinye ava kupidzwa kivi li la va lyelemereridza halala nekwinye, mu lilang'aminywa lyo Mwami Yesu kutwula migulu halala netsingelosi avetsingulu tsitsye mu muliru gwetsimemo,

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 12:18

Kigira si mu duki ku kigulu kyokudirwa, kyaaka muliru, noku lilesi limwamu, noku kisundi, noku kihudzudzi,

Vahebraina 12:26

womwoyo gwigwe gwa degeridza lirova inyinga yeyo: navutswa kalunu u suuviridzi, na a vola, Inyinga yindi kandi nda degeridza, si li li lirova lyeng'ine, navutswa ligulu kandi.

2 Petro 3:10

Navutswa lidiku lyo Mwami li la duka kuli mwivi; mu lidiku yilyo ligulu li la vita nomuliviti munene, nevindu vya kale vi la timbuluka ku muliru munene, kandi lirova nemiyinzi gyi veye mulyo gyi la sambwa.

Likunula 15:8

Kandi litempeli lizula mwoki gwa twula ku bukumi bwa Nyasaye, noku tsingulu tsitsye; kandi si ha li nomundu wa nyala kwingira mu litempeli, ki luhe ki duke kiheri kyamaduya gatano na gaviri getsingelosi vatano na vaviri.

Likunula 9:2

Kandi ya kunula mwanka gwobogo; nomwoki gwa senuka kutwula mu bogo kuli mwoki gwa mahiga manene; liuva nobwerefu vya kolwa kisundi kigira mwoki gwobogo zana.

Vakalagi 5:5

Vigulu vya degera imbiri wa Yahova, Yee, kuduka Sinai zana kya degera imbiri wa Yahova, Nyasaye wa Israeli.