Kutwula 18:9 - KITABU KITAKATIFU

⁹ Na Jethro ya sangala kigira ubulahi bwosi bwa Yahova ya kolera Israeli kuli ya va honnya mu makono ga Avaegepeti.

Kutwula 18:9 ပူးပေါင်းရင်းမြစ်များ

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 63:7

Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Isaya 66:10

Mu sangala halala na Yerusalemi, muyanzi kulyo, mwinye vosi va mu yanza: mu sangale nobuyanzi halala nalyo, mwosi ava syomanga kulyo;

Varumi 12:10

Mu buyanzani bwenyu mu yanzane bulahi avene navene; mwimiridzane mu bukumi ku vakye venyu;

Varumi 12:15

Mu sangale halala navasangala; mu lire halala navaliranga.

1 Vakorintho 12:26

Kandi kivero kilala ni ki salira, vivero vyosi vi salira halala nakyo; kinga kivero kilala ni kidzominywa, vivero vyosi vi sangala nakyo.

1 Samweli 15:6

Na Saulo ya volera Vakeni, Mu singire, mu tsie, mu sulungute kutwula hagati ha Vaamaleki, gase ndononnya mwinye halala navo; kigira mwinye mwa kolera avana va Israeli vosi bulahi, lwa vanegira kutwula mkivala kya Egepeti. Ma Vakeni va twula hagati ha Vaamaleki.