Kutwula 18:7 - KITABU KITAKATIFU

⁷ Na Musa ya twula na a tsia kuvugana na navizala wewe, naye ya mu sigamira, na a mbusa; ni va tevana liva lyavo; navo vingira mu lihema.

Kutwula 18:7 ပူးပေါင်းရင်းမြစ်များ

Litanga 14:17

Na mwami wa Sodoma ya tsia kumwaganira, lwa yirana kutwula kwiita Kedorilaomeri na vami va li haiala naye, mu livona lya Shave (li veye Livona lyo Mwami).

Litanga 18:2

na ya ginga tsimoni tsitsye, na lola, na henza, avandu vabaka va singira himbi naye: na lwa ya va lola, ya tsia tsimbiru kuvugana navo kutwula ha kiliango kyelihema, na yinama hasi kuduka ku marova,

Litanga 19:1

Kunangwa tsingelosi vaviri va duka Sodoma inyinga ya mgolova; na Loti yikala ha kiribwa kya Sodoma: na Loti ya va lola, na a singira kutsia kwagana navo; naye yeyinaminya na tsimoni tsitsye tsi henza hasi;

Litanga 29:13

Kunangwa, Labani lwa ya hulira makuva ga Yakobo mwana wa mbotso wewe, ya nyagula na a tsia kumwaganira, na a mu kumberera, na a mu busa, na a mu leta mu inyumba yeye. Naye ya volera Labani vindu yivi vyosi.

Litanga 31:28

kandi si wa mba ubwiyangu bwokubusa avana vange, avayai navakana? Kalunu u koli ubusiru.

Litanga 43:26

Na lwa Yosefa ya duka mu inyumba yeye, va mu letera mu inyumba, vihaanwa vya li mu mukono gwavo, nokwinama imbiri wewe kuduka hasi

Litanga 45:15

Naye ya busa avamwavo veve vosi, na a lilira kuvo; na lwenyima avamwavo veve va volerana naye.

Litanga 46:29

Na Yosefa ya lomba ligari lilye, ni yanegira kwaganira Israeli dada wewe, ha Goshen; na yesingeridza mwene imbiri wewe, na a gwa ku ligoti lilye, na a lirira ku inyinga i duki.

2 Samweli 11:7

Na lwa Uria ya duka kuye, Daudi ya mu teva makuva ga Joabu a veye ndi, namakuva gavandu va veye ndi, na kuli ubulwani bu veye.

1 Avami 2:19

Ma Bathsheba ya tsia ku mwami Solomoni, kumuvolera aga Adonija. Na mwami ya singira kumwaganira, naye ya mwinamira, na yikala ku intebe yeye yobwami, na ya haana munwa, intebe yobwami i vikerwe mama womwami, na yikala ku luvega lyomukono gwigwe mu lungi.

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Kutwula 18:6

naye ya volera Musa Inze Jethro, navizala wowo, nduki ku ive, halala nomukali wowo na avana veve vaviri halala naye.

Kutwula 33:7

Na Musa ya vugula lihema na a lyombaka kyova wa hokusosa, ihale ku ha zana; na a li gulika, Lihema lyokuvuganira mu. Na ga duka, ku vosi sa mulala wenya Yahova ya twula kutsia ku lihema lyokuvuganira mu, lya li kyova wa hokusosa.

Kutwula 4:27

Na Yahova ya volera Haruni, U tsie mwigendinyama kulola Musa. Naye ya tsia, na a mu nyola mu kigulu kya Nyasaye, na a mu busa.

Livalidza 22:36

Na lwa Balaki ya hulira Balaam udzi, ya tsia kumwaganira kuduka ku Lidala lya Moabu, li veye ku luvega lwolwako lwa Arinon, li veye ku kiheri kyolwako.

Luka 7:45

Ive si wa li mbusa: navutswa uyu kutwula inyinga ndingira, si ya lekera kubusa virenge vyange.

Vikolwa 20:37

Navo vosi va lira ligali ni va gwira Paulo mu ligoti, ni va mu busa,

Vikolwa 28:15

Kutwula yaho avamitu va Romi lwa va hulira amakuva getu, vadza kukuvuganira ha Kitu kya Apio na ha Vigono vivaka. Paulo lwa ya va lola ya santidza Nyasaye na a lema mwoyo.

Vakalagi 11:34

Na Jefetha ya duka Mizipa ku inyumba yeye; henza, mwana wewe mukana ya twula kumwaganira, naye ya li nesugudi nobukino: naye ya li mwana wewe muderwa; si ya li nomwana muyai kinga mwana mukana navutswa uyu.

1 Samweli 17:18

kandi u vugule tsimango likumi tsyetsinkonye tsyominywa u hile ku munyampara wa elfu yavo, u lole avamwavo vovo va veye ndi, na va ku he litivula.

1 Samweli 17:22

Na Daudi ya leka viju vivye mmukono gwomulindi weviju, na ya nyagula kutsia ha lihe lyavasikari, na ya tsia na a chelidza avamwavo veve.