Kutwula 18:25 - KITABU KITAKATIFU

²⁵ Na Musa ya tovola avobunyali mu Israeli yosi, naye ya va vika kuva mitwe ku vandu, avanene vetsielefu, na avanene vetsimia, na avanene va makumi gatano, na avanene va makumi.

Kutwula 18:25 ပူးပေါင်းရင်းမြစ်များ

Litanga 47:6

kivala kya Egepeti ki veye imbiri wowo; u vike dada wowo na avamwavo vovo, va menye mu kivala kilahi kuvita; va menye mu kivala kya Goshen: kandi nu u manya hagati havo avandu avanyala, u va vike kwameha imitugu gyange.

2 Samweli 18:1

Na Daudi ya validza avandu va li halala naye, na a vika vanyampara ku tsielfu, navanyampara ku tsimia.

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Kutwula 18:24

Kunangwa Musa ya hulira mwoyo gwa navizala wewe, naye ya kola gosi ga ya mu volera.

Livalidza 1:16

Yava nivo ava langwa mu livugana, avanene vetsihiri tsya vaguga vavo; yava va li mitwe gyetsielfu tsya Israeli.

Livalidza 1:4

Na halala na mwinye ha la va na mundu mulala wetsihiri sa indala; sa mulala a ve munene wenyumba ya guga wewe.

Livalidza 11:16

Na Yahova ya volera Musa, U vugannye ku inze avandu makumi gatano na gaviri ku avakulundu va Israeli, ava u manya va veye avakulundu va avandu, avanyampara kuvo; na u va lete ku lihema lyokuvuganira mu, va singire yo halala na ive

Vikolwa 6:5

Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia;

Kwidzulitsa 1:15

Kunangwa ndz vugula mitwe gyetsihiri tsyenyu, avobugeeri, avamanyekana, ni mba kola va ve mitwe ku mivinye, vanyampara vetsielfu, na vanyampara vetsimia, na vanyampara va makumi gatano, na vanyampara velikumi, na valindi kuli tsihiri tsyenyu.