Kutwula 18:11 - KITABU KITAKATIFU

¹¹ Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Kutwula 18:11 ပူးပေါင်းရင်းမြစ်များ

1 Avami 17:24

Nomukali ya volera Elija, Kalunu manya ive u veye mundu wa Nyasaye, na makuva ga Yahova mmunwa gugwo ga veye geligali.

2 Avami 5:15

Yirana ku mundu wa Nyasaye uyu, nekiganda kikye kyosi, vadza, ni va singira imbiri wewe: na a vola, Henza kalunu, manya si ha veye na Nyasaye mu lirova lyosi, navutswa mu Israeli: kunangwa kalunu, mwadza, u vugule ubugasu ku mukono gwomutumekiri wowo.

1 Kyetsinyinga 16:25

Kigira Yahova a veye munene nowokwidzominywa ligali: A veye wokutibwa kuvita vanya saye vosi.

2 Kyetsinyinga 2:5

Na inyumba ya nyombakanga zana i veye inene; kigira Nyasaye wetu a veye munene kuvita avanyasaye vosi.

Nehemia 9:10

wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

Nehemia 9:16

Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Zaburi 119:21

U gondokeye avoluyai ava laa meywi, Ava gendagenda ihale ku malago gogo.

Zaburi 135:5

Kigira mmanya Yahova a veye munene, Kandi Mwami wetu a veye igulu ku vanyasaye vosi.

Zaburi 31:23

O mu yanze Yahova, mwinye vosi avatakatifu veve: Yahova a lindanga avasuuvirifu, Na a tunganga ligali uyu u gendanga nobwigingiri.

Zaburi 95:3

Kigira Yahova a veye Nyasaye munene, A veye M wami munene kuvita avanyasaye vosi.

Zaburi 97:9

Kigira ive, O Yahova, u veye igulu ligali kuvita lirova lyosi: Ive u nenehidzwa igulu ligali wa avanyasaye vosi.

Kutwula 1:10

hambi, ku va kolere ubugeeri; gase va la medeka, na ga duke, inyinga yobulwani va la hambana na avasigu vetu, nokulwana na kwinye, nokutwula mu kivala.

Kutwula 1:16

naye ya va volera, Lwa mwivulidzanga avakali va Vahebraina, nokuvalola mu livula; ni i va a veye mwana muyai, ma mu mwiite; navutswa ni i va a veye mukana, ma a la va mwoyo.

Kutwula 1:22

Na Farao ya laga avandu veve, na a vola, Avana avayai vosi avivulwa mu va te mu mugera, na avana avakana vosi mu la va linda kuva mwoyo.

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Kutwula 12:12

Kigira nda vita hagati hekivala kya Egepeti mu budiku yibwo, na nda kuya avatanga kwivulwa vosi ava veye mu kivala kya Egepeti, ku vandu noku mitugu; na nda leta likalaga ku vanyasaye vosi va Egepeti: Inze mbeye Yahova.

Kutwula 14:18

Na Avaegepeti va la manya Mbeye Yahova, lwa mmali kunyola lidzominywa ku Farao, noku magari gelihe gege, noku avetsiparasi veve.

Kutwula 14:8

Na Yahova ya dinyiridza mwoyo gwa Farao mwami wa Egepeti, naye ya londerera avana va Israeli: kigira avana va Israeli va twula nomukono gwetsingulu.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Kutwula 5:7

Mu ta ha avandu kandi bunyasi bwokuvika mu matafali ga va lombanga, kuli matsyambiri: va tsie kwenya bunyasi avene.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Livalidza 33:4

lwa Avaegepeti va li ni va tedzanga ava tanga kwivulwa vavo vosi, ava Yahova yiita muvo: kandi Yahova ya kola likalaga ku vanyasaye vavo.

Luka 1:51

U lolekidzi tsingulu nomukono gwigwe U salanyi avigingiri mu tsiganigani tsyemyoyo gyavo.

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.

1 Samweli 2:3

Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.