Kutwula 17:5 - KITABU KITAKATIFU

⁵ Na Yahova ya volera Musa, Vita wimire imbiri wa avandu, na u hile halala na ive avalala ku vakulundu va Israeli; na impimbo yoyo, ya wa duyira mugera, u vugule mu mukono, gugwo, na u tsie.

Kutwula 17:5 ပူးပေါင်းရင်းမြစ်များ

Zaburi 74:15

Wa vukannya kisenukiru na mugera: Wuminya migera gyi vula kuhera.

Kutwula 14:16

Na ive u ginge impimbo yoyo, nokunyira mukono gugwo ku inyanza, u gyavukanye: na avana va Israeli va lingira hagati henyanza ku lirova liumu.

Kutwula 3:16

U tsie, u vugannye halala avakulundu va Israeli, u va volere, Yahova, Nyasaye wa vaguga venyu, Nyasaye wa Abrahamu, wa Isaka, na wa Yakobo, u loleki ku inze, nokumbolera, Ligali, ntsitsi ku mwinye, ndoli aga mu kolangwa mu Egepeti:

Kutwula 3:18

Na va la hulira mwvoyo gugwo, na u la tsia, ive navakulundu va Israeli, mu la tsia ku mwami wa Egepeti, na mu la mu volera Yahova, Nyasaye wa Vahebraina, u vugani na kwinye: mwadza, u ku he munwa ku tsie lugendo lwa madiku gavaka mwigendinyama kulombera Yahova, Nyasaye wetu isadaka.

Ezekieli 2:6

Na ive, mwana womundu, u ta tia avandu yavo mba, kandi u ta tia amakuva gavo mba, kali amafwa nolutavati ni vi veye halala nive, na ive u menya nga hagati ha tsing'e: u ta tia amakuva gavo, kandi u ta timuka enkola kigira lifwana lyavo, kali ni va veye inyumba yebaala.