Kutwula 16:8 - KITABU KITAKATIFU

⁸ Na Musa ya vola, Ga la va ndiyo, lwa Yahova a li mu ha inyama mgolova kulia, na mugamba ha la va nobukima kuduka mwigute; kigira uyu Yahova a huliranga limonya lyenyu lya mu mu monyanga: na kwinye ku veye ibwaha? Limonya lyenyu si li veye ku kwinye mba, navutswa li veye ku Yahova.

Kutwula 16:8 ပူးပေါင်းရင်းမြစ်များ

Kutwula 16:12

mbuliye limonya lya avana va Israeli: va volere ndi, u vole, Inyinga ya mgolova mu la lia inyama, na mugamba mu liguta ubukima; na mu la manya inze mbeye Yahova Nyasaye wenyu.

Kutwula 16:9

Na Musa ya volera Haruni, U volere livugana lyosi lya avana va Israeli, Mwisunde himbi imbiri wa Yahova; kigira uyu u huliye limonya lyenyu.

Kutwula 17:2

Kigira yaga avandu va hing'ana na Musa, ni va vola, U ku he amadzi, ku nwe. Na Musa ya va volera, Kigira ki mu hing'ana ninze? Kigira ki mu geridza Yahova?

Isaya 32:6

Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 37:29

Kigira ubutima bubwo ku inze, kandi kigira kirage kikyo ki duki mmatu gange, kigira yaga inze nda vika inzago mu molo gogo, nelijamu mu minwa gyigyo, na nda kwirannya ku inzira ya wadzira ku.

Livalidza 11:18

Na u volere avandu, Mwetakase avene kwetegeka mugamba, na mu Ia lia inyama; kigira mwa lira mu amatu ga Yahova, nokuvola, Ni bwaha a la ku ha inyama ku lie? Kigira kwa li nobulahi mu Egepeti: kigira yaga Yahova a la mu ha inyama, na mu la lia.

Livalidza 14:27

Inze ndekudzera ku livugana lidamano yili, li monyanga, kuduka inyinga ki? Mbuliye limonya lya avana va Israeli lya va monyanga ku inze.

Livalidza 21:7

Na avandu va tsia ku Musa, nokuvola, Ku koli ubwoni, kigira ku hing'ani na Yahova, na ive; u saale Yahova a twulidze tsinzoka ku kwinye. Na Musa ya saalira avandu.

Matayo 10:40

U bugirira mwinye a bugirira inze, u bugirira inze a bugirira wa ntuma.

Matayo 9:4

Yesu ya manya tsi ganagani tsyavo na a vola, Kigira ki mu ganagana ndi ubudamano mmyoyo gyenyu?

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Yohana 13:20

Ligali, ligali, mmu volera, U bugirira wa inze ntuma a bugirira inze; naye u bugirira inze a bugirira wa ntuma.

Varumi 13:2

Kigira yaga, uyu u hing'ana ku avameha, a hing'ana namalago ga Nyasaye; kandi yava ava hing'ana va lenyolera likalagirwa avene.

1 Vakorintho 10:10

Kandi mu ta monya kuli avalala kuvo va mo nya, nomudividzi ya va dividza.

1 Vatesalonike 4:8

Kunangwa uyu u sulanga, si a sulanga mundu navutswa a sulanga Nyasaye u hedzanga mwinye Roho Mutakatifu wewe.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.