Kutwula 16:6 - KITABU KITAKATIFU

⁶ Na Musa na Haruni va volera avana va Israeli vosi, Inyinga ya mgolova, mu la manya ni Yahova wa mu leta kutwula mu kivala kya Egepeti,

Kutwula 16:6 ပူးပေါင်းရင်းမြစ်များ

Zaburi 77:20

Wimirira avandu vovo kuli mwimiriri wekyayo, Nomukono gwa Musa na Haruni.

Zaburi 81:11

Navutswa avandu vange si va hulira mwoyo gwange; Na Israeli si venya inze.

Kutwula 12:51

Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.

Kutwula 16:3

na avana va Israeli va va volera, Bwa li bulahi nkano kwa kudzira ku mukono gwa Yahova mu kivala kya Egepeti, ha kwikala himbi na tsinyingu tsyetsinyama, ha kwa lagira ubukima nokwiguta; kigira mwinye mu ku leti nokukuvika mu kyangalangwi yiki, kwiita kiduma yiki kyosi nenzala.

Kutwula 16:8

Na Musa ya vola, Ga la va ndiyo, lwa Yahova a li mu ha inyama mgolova kulia, na mugamba ha la va nobukima kuduka mwigute; kigira uyu Yahova a huliranga limonya lyenyu lya mu mu monyanga: na kwinye ku veye ibwaha? Limonya lyenyu si li veye ku kwinye mba, navutswa li veye ku Yahova.

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 32:11

Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Livalidza 16:28

Na Musa ya vola, Ku inkuva yiyi mu la manya Yahova u ntumi kukola miyinzi yigyi gyosi; kigira si nkoli nobugeeri bwange mwene.

Livalidza 16:30

Navutsu a Yahova na a va na a kola kindu kihya, na lirova ni li kunula munwa gwalyo nokuvamira, halala na vosi ava veye avavo, navo ni vika mu bogo ni va veye mwoyo; hene yaho mu la manya avandu yava va legi Yahova.