35 Na avana va Israeli va lagira mana mihiga makumi gane, kuduka inyinga va duka mu kivala ki veye navandu; va lagira mana, kuduka inyinga ya vingira mu tsinzako tsye kivala kya Kanani.
na wa va ha vyokulia vya twula migulu vi ve vya inzala yavo, nokuvatwulidzira amadzi ga twula ku lwanda ga ve gobuluhu bwavo, na wa va laga vingire nokugumira kivala kya wa mala kugingira mukono gugwo u duke kuvaha.
Na ubutima bwa Yahova bwaaka ku Israeli, na a va kola kugendagenda yiyi na yiyi mu kyangalangwi tsinyinga tsyemihiga makumi gane, kuduka likula yili lyosi lya kola ubwoni imbiri wa Yahova, lya dividzwa.
Na Haruni musalisi yanegira mu kigulu kya Horu, kuli lilaga lya Yahova, na a kudzera yo, ku muhiga gwa makumi gane inyima wa avana va Israeli va twula mu kivala kya Egepeti, ku mweli gwegyitano, mu lidiku lyokutanga mweli.
Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.
Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.
Na mana ya hera mugamba, inyima wokulagira buswage bwekivala; na avana va Israeli si va nyola mana kandi mba; navutswa va lia ku vyokulia vyekivala kya Kanani muhiga yigwo.