Kutwula 16:3 - KITABU KITAKATIFU

³ na avana va Israeli va va volera, Bwa li bulahi nkano kwa kudzira ku mukono gwa Yahova mu kivala kya Egepeti, ha kwikala himbi na tsinyingu tsyetsinyama, ha kwa lagira ubukima nokwiguta; kigira mwinye mu ku leti nokukuvika mu kyangalangwi yiki, kwiita kiduma yiki kyosi nenzala.

Kutwula 16:3 ပူးပေါင်းရင်းမြစ်များ

2 Samweli 18:33

Nomwami yegosa ligali, na a nina igulu mu inyumba i veye igulu wekiribwa na a lira: naye lwa ya li na a tsitsanga ya vola makuva yaga, O mwana wange Abisalom, mwana wange, mwana wange Abisalom ngano ninze wa kudza mbugono bubwo, O Abisalom, mwana wange, mwana wange.

Ayubu 3:1

Inyima wa yaga Ayubu ya kunul munwa gwigwe, nokulaama lidiku lilye.

Ayubu 3:10

Kigira si bwa hana miliango gye nda ya mama wange, Kandi si bwa visa lidambidzwa ku tsimoni tsyange.

Ayubu 3:20

Kigira ki uyu u veye mu kivi a hebangwa ubulavu, Na yavo ava veye nelitsunwa va hebangwa livamwoyo;

Zaburi 107:5

Va li nenzala nobuluhu, Mwoyo gwavo gwa kudza muvo.

Zaburi 78:19

Yee, va tala Nyasaye ubudamano; Va vola, Nyasaye a nyala kwaala imeza mwigendanyama?

Zaburi 78:25

Mundu sa mulala ya lagira ubukima bwa wetsingulu: Ya va ha vyokulia vyokuvigutidza.

Kutwula 14:11

Na va volera Musa, U ku twulidzi mu kivala ku kudzire migendinyama, kigira vilindwa si vi veye mu Egepeti? Kigira ki u ku i koleye yaga, kukutwulidza mu Egepeti?

Kutwula 17:3

Na avandu va nyola yo ubuluhu; na avandu va monya Musa, ni va vola, Kigira ki wa kwanegiridza kutwula Egepeti kukwiita na avana vetu, nemitugu gyetu nobuluhu?

Kutwula 2:23

Kunangwa inyima wa madiku yago manyingi, mwami wa Egepeti ya kudza: na avana va Israeli va kenva kigira ubutugwa, na va lira na lilira lyavo lya duka imbiri wa Nyasaye kigira ubutugwa.

Kutwula 5:21

ni va va volera, Yahova a henze mwinye, nokumukalagira; kigira mu koli mwoyo gwetu kudunyirwa imbiri wa Farao, na imbiri wa avatumekiri veve, kuvika kivavi mmukono gwavo kukwiita.

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 42:14

ni mu vola, Auwa; navutswa ku la tsia mu kivala kya Egepeti, kivala kya ku la vula kulola yo ubulwani, kinga kuhulira mwoyo gwekisiliva, kinga kuva nenzala ku lidaka vyokulia mba; ku la menya yo:

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Lisyoma lya Jeremia 4:9

Yavo aviitangwa nekivavi va veye bulahi kuvita avenzala yiitanga; Kigira va niaye, va tumitwa hagati, kigira lidaka lya makuyu gemilimi.

Livalidza 11:15

Nu u va nu u nkolera ndiyo, u nziite ligali, mwadza, ni mba ni nyoye tsimbabasi imbiri wetsirnoni tsitsyo; mbule kulola ubudamano bwange.

Livalidza 11:20

navutswa mu la lia mweli gwosi, kuduka inyama i twulira mu amolo genyu, na mu la gi lega; kigira mwambakani Yahova u veye hagati henyu, na mu liri imbiri wewe, ni mu vola, Kigira ki kwa twula Egepeti?

Livalidza 14:2

Na avana va Israeli vosi va monya Musa na Haruni: na livugana lyosi lya va volera, Nkano kwa kudzera mu kivala kya Egepeti kinga, nkano kwa kudzera mu kyangalangwi yiki

Livalidza 14:3

Na kigira ki Yahova a ku leta mu kivala yiki kugwa ku kivavi? Avakali vetu na avana vetu vadoto va la gwa kilanye: kunangwa si bu li bulahi ku kwinye kwirana Egepeti?

Livalidza 16:13

ki veye kindu kikekeke ku ive kukuleta kutwula mu kivala ki gangulukanga maveere nobwuki, kuduka kukwiitira mu kyangalangwi, navutswa halala na yaga wiyidzominya mwene kuva munene ku kwinye?

Livalidza 16:41

Navutswa mugamba livugana lyosi lya avana va Israeli va monya Musa na Haruni, ni va vola, Mwinye mwiiti avandu va Yahova.

Livalidza 21:5

Na avandu va hing'ana na Nyasaye, na Musa, nokuvola, Kigira ki mwa kwanegiridza kutwula mu Egepeti, ku kudzere mu kyangalangwi hano? Kigira si ha veye nobukima, na si ha veye namadzi; na myoyo gyetu gyi tamani nobukima yibu ubuhuhu.

Vikolwa 26:29

Paulo ya vola, Nsaala Nyasaye, ni bu va bukekeke kinga ubunene, si a li ive weng'ine navutswa vosi ava mbulira lero, va ve kuli inze ligali, ni li ta li libofwa yili.

1 Vakorintho 4:8

Mu mali kwiguta. Mu mali kugwa avatugi. Mu duki kwameha bugira kwinye. Yee, nkano mwamehi, kwinye ku duke kwameha halala nemwinye.

2 Vakorintho 11:1

Nkano nu bulahi mwikudzire ku inze kigira ubusiru bukekeke bwange: navutswa mwikudziye ku inze ligali.

Kwidzulitsa 28:67

Mugamba u la vola, Ngano gu ve mgolova namgolova u la vola, Ngano gu ve mugamba kigira ubutii bwomwoyo gugwo bwa u tia, nelilola lyetsimoni tsitsyo lya u li lola.

Kwidzulitsa 8:3

Na a ku kola kwegehidza, ya ku leka nenzala, ya ku lageridza maana, kindu kya wa vula kumanya, kinga vaguga vovo si va ki manya; a duke kukumannya, mundu si a nyala kuva mwoyo nobukima bweng'ine, navutswa ku makuva gosi ga twula mmunwa gwa Yahova mundu a veye mwoyo.

Joshua 7:7

Na Joshua ya vola, Bayaye, O Mwami Yahova, kigira ki ive wambukidza avandu yava mugera gwa Yordani, kukuvika mmakono ga Vaamori, kukudividza? Bwa li bulahi, ngano, kwa menya engereka wa Yordani