Kutwula 16:12 - KITABU KITAKATIFU

¹² mbuliye limonya lya avana va Israeli: va volere ndi, u vole, Inyinga ya mgolova mu la lia inyama, na mugamba mu liguta ubukima; na mu la manya inze mbeye Yahova Nyasaye wenyu.

Kutwula 16:12 ပူးပေါင်းရင်းမြစ်များ

1 Avami 20:28

Na mundu wa Nyasaye yesunda himbi na a volera mwami wa Israeli, na a mu volera, Yahova a vola ndi, Kigira Avasiria va voye, Yahova a veye munyasaye wevigulu, navutswa uyu si a veye munyasaye wamavona mba; kigira yaga nda ku vikira kiduma yiki kyosi kinene mmukono gugwo, na mwinye mu la manya mbeye Yahova.

Zaburi 105:40

Va teva, na a va letera tsisi ndu, Na a vigutidza ubukima bu twula migulu.

Kutwula 12:6

na mu la li vika haluvega kuduka ku lidiku lye likumi na gane lyomweli zana; na livugana lyosi lya avana va Israeli va la liita mgolova.

Kutwula 16:11

Na Yahova ya volera Musa, na a vola,

Kutwula 4:5

va duke kusuuvira ni Yahova, Nyasaye wa vaguga vavo, Nyasaye wa Abrahamu, Nyasaye wa Isaka, na Nyasaye wa Yakobo, u loleki ku ive.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 7:17

Yahova a volanga, Ku inkuva yiyi u la manya mbeye Yahova: henza, nda kuya amadzi aga veye mu mugera yimu nempimbo ya mbeye nayo mu mukono gwange, nago ga la girunkannywa, na ga la gwa masahi.

Jeremia 31:24

Na Yuda namadala gakyo ga la menya mu halala, avalimi, na yavo ava vodonkananga nevyayo.

Ezekieli 34:30

Na va la manya inze, Yahova Nyasaye wavo, mbeye halala navo, kandi inyumba ya Israeli i veye avandu vange, Mwami Nyasaye a vola.

Ezekieli 35:13

Mwinye mwiidzominyi avene ku inze neminwa gyenyu, nokumeda makuva genyu ku inze: nga huliye.

Ezekieli 39:22

Na ndiyo inyumba ya Israeli i la manya inze mbeye Yahova Nyasaye wavo, kutwula ku lidiku yilyo nokutsitsagil'la.

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Kyavalevi 11:44

Kigira inze mbeye Yahova Nyasaye wenyu: kunangwa mwetakase avene, na mu ve avatakatifu; kigira inze mbeye mutakatifu: kandi mu teyononya mwinye avene nekindu ki molanga ku tsingano tsyosi ki molanga ku lirova.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Livalidza 11:4

Na yavo avasangi ava li hagati havo, va li nelikayirwa linene: na avana va Israeli, navo kandi va lira ni va vola, Ni bwaha u li ku ha inyama ku lie?

Livalidza 14:27

Inze ndekudzera ku livugana lidamano yili, li monyanga, kuduka inyinga ki? Mbuliye limonya lya avana va Israeli lya va monyanga ku inze.