Kutwula 15:7 - KITABU KITAKATIFU

⁷ Kandi mu bunene bwobulahi bubwo wagululanga ava singira kuvukira ive: U letanga ubutima bubwo, nabwo bu va sambanga kuli uluvuva.

Kutwula 15:7 ပူးပေါင်းရင်းမြစ်များ

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Zaburi 148:13

Vidzominye lieta lya Yahova; Kigira lieta lilye lyeng'ine li veye kukuminywa; Ubukumi bwibwe bu veye igulu welirova na ligulu.

Zaburi 59:13

U va heridze mu livihirirwa, u va heridze kuduka va ta va ho kandi: Va duke kumanya Nyasaye yameha mu Yakobo Kuduka ku kiheri kyelirova [Selaha

Zaburi 68:33

Ku uyu u ninanga ku ligulu lyeligulu, li veye lya kale; Henza, a kupa lwanga, mwoyo munene

Zaburi 83:13

O Nyasaye wange, u va kole va ve kuli ulugukyi mu kihudzu dzi Na kuli mavivi imbiri wembuudza.

Kutwula 14:27

Na Musa ya nyira nukono gwigwe ku inyanza, na lwa bwa kya inyanza yirana ku tsingulu tsyayo tsya kazozo; na Avaegepeti va giruka; na Yahova ya vungulula Avaegepeti mu inyanza.

Kutwula 5:12

Ma avandu va salana mu kivala kyosi kya Egepeti kuvungidza uluvuva lwomulimi mbugono bwobunyasi.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Isaya 37:17

U tegidze gutu gugwo, O Yahova, u hulire; u kunule tsimoni tsitsyo, O Yahova, u lole; u hulire makuva yaga gosi aga Senakeribu, wa tuma avatumwa kunyega Nyasaye u veye mwoyo.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 37:29

Kigira ubutima bubwo ku inze, kandi kigira kirage kikyo ki duki mmatu gange, kigira yaga inze nda vika inzago mu molo gogo, nelijamu mu minwa gyigyo, na nda kwirannya ku inzira ya wadzira ku.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Isaya 37:38

Na ga duka, ku lidiku lilala lwa ya li na a sigamiranga mu inyumba ya Nisiroko munyasaye wewe, avana veve Adarameleku na Sharezeru va mwiita nekivavi; na virukira mu kivala kya Ararati. Na mwana wewe wa langwa Esarihadon yameha mbugono bwibwe.

Isaya 47:14

Henza, va la va kuli luvuva; muliru gu la va samba, avene si va lehonnya mu tsingulu tsyolumemo lwomuliru: si gu la va muliru gwamanda gwokwota, kinga muliru gwokwikala himbi.

Isaya 5:16

navutswa Yahova wa mahe u nenehidzeywi mu likalaga, na Nyasaye Uyu Mutakatifu u takaseywi mu bulungi.

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Jeremia 10:6

Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

Mika 4:11

Kalunu tsihiri tsinyingi va vungi ku ive va volanga, A vikwe ubudamano, tsimoni tsyetu tsi duke kulola aga kwenyanga ku Zioni.

Zekaria 14:3

Hene yaho Yahova a la twula, nokulwana netsihiri zana kuli lwa ya lwana mu lidiku lyobulwani.

Zekaria 14:8

Na ga la duka ku lidiku yilyo, amadzi ga veye mwoyo ga la twula mu Yerusalemi; luvega lulala kugo ga la tsia ku luvega lwenyanza yevugwe, na luvega lwago lundi ga la tsia ku luvega lwenyanza ye madioli: ga la va ndiyo inyinga yoluya noku inyinga yobukindu.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Vikolwa 9:4

na a gwa hasi na a hulira mwoyo gu mu volera, Saulo, Saulo, kigira ki u ndambidza?

Kwidzulitsa 33:26

Si ha veye nofwanana na Nyasaye, O Jeshurun, Udzanga u nini igulu migulu ku likonywa lilyo, Noku malesi mu ubukumi bwibwe.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Vahebraina 12:29

kigira Nyasaye wetu a veye muliru gu sambanga.