Kutwula 15:26 - KITABU KITAKATIFU

²⁶ naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 15:26 ပူးပေါင်းရင်းမြစ်များ

1 Avami 11:33

kigira va mali kunzivirira, nokusigamira Ashitore thu nyasaye wekikali wa Vasidone, na Kemoshu nyasaye wa Vamoabu, na Milikom nyasaye wavana va Amon; na va vula kugenda ku tsinzira tsyange, nokukola ubulungi imbiri wange, nokuoumira amalago gange, nelikalaga lyange, kuli dada wewe Daudi ya kola.

1 Avami 11:38

Na ga la va, ive nu u va nu u hulira gosi ga nku laga, no kugenda mu tsinzira tsyange, noku kola ubulungi imbiri wange, kugumira amalago gange nelilagana lyange, kuli mutumekiri wange Daudi ya kola; nda va halala nive, nda kwo mbakira inyumba yetsingulu, kuli ndombakira Daudi, nda ha ive Israeli.

2 Avami 2:21

Na ya twula na a tsia kuduka ha kisenukiru kyamadzi, na a tsuka mu umunyu, nokuvola, Yahova a vola, Inze mali kuhonnya amadzi yaga; si li la twula mu likudza kandi, kinga lilogosa.

2 Avami 20:5

Yirana, u volere Hezekia mwimiriri wavandu vange: Yahova, Nyasaye wa guga wowo Daudi, a vola, Mbuliye lisaala lilyo, na maliga gogo nga loli: henza, nda ku honnya; lidiku lya kavaka u lanegira u tsie mu inyumba ya Yahova.

2 Avami 22:2

Naye ya kola bulahi imbiri wa Yahova, ya genda mu inzira yosi ya Daudi guga wewe, si ya girunkana ku luvega lwomukono mulungi kinga mukono mmosi.

Ayubu 5:18

Kigira uyu a saliridzanga, kandi a bohereranga; Yatanga ulugoma nomukono gwi gwe gu honnyanga.

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 81:9

Si u la va no munyasaye mugeni; Kandi u ta sigamira munyasaye wobugeni.

Kutwula 12:29

Kunangwa ubudiku hagati, Yahova ya kuya avatanga kwivulwa mu kivala kya Egepeti, kutanga ku wa tanga kwivulwa wa Farao wikala ku intebe yeye yobwami, kuduka ku wa tanga kwivulwa wa uyu wa bofwa wa li mu inyumba ya hasi yavahambe; kandi ku vyosi vya tanga kwivulwa ku mitugu.

Kutwula 19:5

Kunangwa kalunu, ni mu va ni mu hulira mwoyo gwange ligali, nokugumira lilagana lyange, hene yaho mu la va ku inze, ihiri yange mwene yavukanywa ku vandu vosi: kigira lirova lyosi ni lyange:

Kutwula 19:6

na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Jeremia 11:7

Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Jeremia 17:24

Na ga la duka, ni mu mbulira ligali, Yahova a vola, ni mu va ni mu vula kuleta musigo kali mulala ku viribwa vyelidala yili ku lidiku lyelisabato, navutswa ni mu takasa lidiku lyelisabato, mu vule kukola miyinzi ku lidiku yilyo;

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 8:22

Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?

Ezekieli 18:5

Navutswa mundu na a va na a veye mulungi, nokukola aga dukana nobulungi,

Hosea 11:3

Navutswa ndegidza Efiraim kugenda nevirenge; nda mu gingira mma kono gange; navutswa si va manya inze nda va honnya.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Kyavalevi 26:13

Inze mbeye Yahova Nyasaye wenyu, wa mu twulidza mu kivala kya Egepeti, mu vule kuva avatugwa vavo; na mmali kuvunanya misala gya inira yenyu, nokumusingeridza mu gende bulungi.

Kyavalevi 26:3

Ni mu genda mu miima gyange, nokugumira malago gange, nokugakola;

Livalidza 12:13

Na Musa ya lira ku Yahova, na a vola, O Nyasaye, u mu honye, mwadza.

Kwidzulitsa 12:25

U ta ga iia mba; ga duke kuva bulahi ku ive, navana vovo inyima wowo, lwa u li kola ga veye malungi imbiri wetsimoni tsya Yahova.

Kwidzulitsa 12:28

U limle makuva yaga gosi ga nku laga, nokugahulira, ga duke kuva bulahi ku ive, noku avana vovo mihiga ne nihiga, lwa u kolanga aga veye rnalahi namalungi mu tsimoni tsya Yahova Nyasaye wowo.

Kwidzulitsa 13:18

lwa u hulira mwoyo gwa Yahova Nyasaye wowo, nokugumira malago gege gosi ga nku laganga lero, u kole ago bulungi mmoni mwa Yahova Nyasaye wowo.

Kwidzulitsa 28:27

Yahova a la ku duya na livimba lya Egepeti, nelihi, nolwiyage, nokwekuta, vya u vula kuhona.

Kwidzulitsa 28:58

Nu u va nu u sula kulinda nokukola amakuva gosi agelilaga yili lya ng'odwa mu kitabu yiki, u duke kutia lieta yili lyobukumi nelyokutihidza, YAHOVA NYASAYE WOWO;

Kwidzulitsa 28:60

Na a lirannya ku ive ubulwaye bwosi bwa Egepeti, bwa wa tia, na bu la hamba ku ive.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Kwidzulitsa 7:15

Na Yahova a la twulidza ku ive ubulwaye bwosi; si a la vika ku ive ubudekere ku tsing'ano tsyosi, bwa wa manya mu Egepeti, navutswa a la bu vika ku yavo vosi ava dunyira ive.