Kutwula 15:16 - KITABU KITAKATIFU

¹⁶ Litihidzwa nobutii bu va gumiye; Ku bunene bwomukono gugwo, va kiring'ana kuli ligina; Kuduka avandu vovo vambuka, O Yahova, Kuduka avandu ava wa gula, vambuka.

Kutwula 15:16 ပူးပေါင်းရင်းမြစ်များ

Litanga 35:5

Na va samula: na ubutii bwa Nyasaye bwa li ku madala aga va kumbiridza, navo va wla kulonderera avana va Yakobo.

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

Zaburi 105:38

Egepeti ya sangala kigira litwula lyavo; Kigira va li nobutii kuvo.

Zaburi 74:2

Widzulitse livugana lilyo lya wa gula kale, Lya wa nanula kuva ihiri yemiyamdu gyigyo; Widzulitse kigulu kya Zioni kya wa menya mu.

Zaburi 89:14

Ubulungi na likalaga vi veye muse vwentebe yobwami bubwo: Tsimbabasi na ageligali vimiriranga imbiri wetsimoni tsitsyo.

Kutwula 11:7

Navutswa ku avana va Israeli kali imbwa si i la loka ku mundu kinga ku mutugu: mu duke kumanya kuli Yahova yayukanya hagati ha Avaegepeti na Israeli.

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 15:5

Amadzi goluliva ga va kunika: Viinika mu luhove kuli ligina.

Kutwula 15:6

Mukono gugwo mulungi, O Yahova, gu veye nobukumi mu tsingulu, Mukono gugwo mulungi, O Yahova, gu shonolannya avasigu.

Kutwula 18:8

Na Musa ya volera navizala wewe gosi ga Yahova ya kolera Farao, noku Avaegepeti kigira Israeli, na lidambidza lyosi lya va gwira ku inzira na kuli Yahova ya va honnya.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 23:20

Henza, ntumanga ingelosi u ange imbiri wowo, a ku linde ku inzira, nokukuleta wingire ha nku lombeye.

Kutwula 23:22

Navutswa nu u hulira mwoyo gwigwe, noku kola gosi aga mbolanga; hene yaho nda va musigu wa avasigu vovo na musaliridzi wa yavo ava ku saiiridzanga.

Kutwula 23:27

Nda tuma litihidza lyange imbiri wowo, na nda dividza avandu vosi ava u duka kuvo, na nda kola avasigu vovo vosi va girunkannye migongo gyavo ku ive.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 51:10

Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Jeremia 31:11

Kigira Yahova u tungiye Yakobo, nokumuboholola a twule mmukono gwa uyu wetsingulu kuvita mwene.

Ezekieli 16:8

Na lwa nda vita himbi nive, nokukwumika, na ive inyinga yoyo ya li inyinga yobuyanzi; na nda fuma ku ive kitweya kyange, kufuma kyahonyo kikyo: yee, nda kwisuhira, na nda lomba lilagana nive, Mwami Nyasaye a vola, na wa gwa wange.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Kwidzulitsa 11:25

Si ha la va nomundu u nyala kusingira imbiri wenyu: Yahova Nyasaye wenyu a la vika litihidza lyenyu nelitengidza lyenyu ku kivala kyosi kya mu sena ku, kuli ya mu volera.

Kwidzulitsa 2:25

Lero nda tanga kuvika litihidza lilyo nelitibwa lilyo ku avandu va veye isi weligulu hosi, lwa va hulira makuva gogo, va la degera, na va la henda mwoyo kigira ive.

Kwidzulitsa 2:4

Na u lage avandu yava, u va volere, Mu vite ku lwako lwavamwavo venyu avana va Esau, ava menyi Seiru; navo va la mu tia. Mwehenze bulahi;

Kwidzulitsa 32:6

Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.

Kwidzulitsa 32:9

Kigira kidieli kya Yahova ki veye avandu veve; Yakobo a veye kidieli kyemiyandu gyigye.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Joshua 2:9

na ya volera avasatsa yavo, Inze mmanya Yahova u mali kuha mwinye kivala yiki, kandi mmanya ubutii bwokutia mwinye bu gwiye ku kwinye, kandi vosi avamenyi mu kivala yiki va la yenguka imbiri wenyu.

Joshua 4:24

avandu velirova vosi va duke kumanya mukono gwa Yahova, gu veye mukono gwobunyali; mu duke kutia Yahova Nyasaye wenyu mihiga nemihiga.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

2 Petro 2:1

Navutswa kandi va singira avaprofeti avobubehi va twula mu vandu, kuli ndiyo va la va ho mu mwinye avegidzi vobubehi, ava li leta kalaha lyekala vidieli vyobugotidzi ni vambakana Mwami wa va gula nokweletera avene ubudivi bwa bwangu.

1 Samweli 2:9

Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.

1 Samweli 25:37

Na ga duka mugamba, lwa iwaini ya kalika ku Nabali, mukali wewe ya mu volera makuva yaga, nomwoyo gwigwe gwa kudza muye, na ya gwa kuli ligina.