Kutwula 15:11 - KITABU KITAKATIFU

¹¹ Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 15:11 ပူးပေါင်းရင်းမြစ်များ

2 Samweli 7:22

Kigira yaga ive u veye munene, O Yahova Nyasaye: kigira si ha li nowundi kuli ive, kandi si ha li na Munyasaye wundi navutswa ive kuli gosi ga ku huliye namatu getu.

1 Avami 8:23

na a vola, O Yahova, Nyasaye wa Israeli, si ha veye na Nyasaye u fwanana nive mba, migulu igulu, kinga mu lirova hasi; u dinyeridzanga lilagana netsimbabasi ku avatumekiri vovo ava gendanga imbiri wowo nemyoyo gyavo gyosi;

1 Kyetsinyinga 16:25

Kigira Yahova a veye munene nowokwidzominywa ligali: A veye wokutibwa kuvita vanya saye vosi.

2 Kyetsinyinga 2:5

Na inyumba ya nyombakanga zana i veye inene; kigira Nyasaye wetu a veye munene kuvita avanyasaye vosi.

2 Kyetsinyinga 6:14

na a vola, O Yahova, Nyasaye wa Israeli, si ha veye na Nyasaye kuli ive, mwigulu, kinga mu lirova; u lindiranga vatumekiri vovo lilagana netsimbabasi, ava genda imbiri wowo nemyoyo gyavo gyosi;

Zaburi 113:5

Ibwaha u leng'ana na Yahova Nyasaye wetu U veye nentebe yeye igulu

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 136:4

Ku uyu yeng'ine a kolanga vyokugenya vinene; Kigira tsimbabasi tsitsye tsi veye ho mihiga nemihiga:

Zaburi 145:17

Yahova a veye mulungi ku tsinzira tsitsye tsyosi, Na a veye wetsimbabasi mu miyinzi gyigye gyosi.

Zaburi 22:23

Mwinye ava tia Yahova, mu mwidzominye Mwinye vosi visukululwi vya Yakobo mu mu kuminye; Mwegehidze imbiri wewe mwinye vosi visukululwi vya Israeli.

Zaburi 35:10

Vigumba vyange vyosi vi la vola, Yahova, ibwaha a leng'ana na ive, Wa honnyanga mudaka ku uyu u veye netsingulu kumuguuta, Yee, mudaka na mudambi ku uyu wa mu nuula?

Zaburi 60:2

U koli kivala kudengeya; u kyadikidzi: U honnya ha kyadika; kigira ki dengeya.

Zaburi 66:5

Hambi, mu lole vikolwa vya Nyasaye; Miyinzi gyigye gyi veye nelitibwa ku avana va avandu.

Zaburi 77:11

Nda landidza amakuva gelikola lya Yahova; Kigira ndidzulitsa vyokugenya vivyo vya kale.

Zaburi 77:14

Ive u veye Nyasaye u kolanga vyokugenya: U lang'aminyi tsingulu tsitsyo ku avetsihiri.

Zaburi 77:19

Muhanda gugwo gu veye mu inyanza, Na tsinzira tsitsyo tsi veye mu amadzi manene Na ligenda lilyo si li manyekana mba.

Zaburi 86:10

Kigira u veye munene, na u kolanga vyokugenva: Ive weng'ine u veye Nyasaye.

Zaburi 86:8

Si ha li nowundi hagati ha vanyasaye, u veye kuli ive, O Mwami; Si ha li nelikola lindi li veye kuli likola lilvo.

Zaburi 89:18

Kigtra ingavo yetu i veye ya Yahova; Na Mutakatifu wa Israeli a veye Mwami wetu.

Zaburi 90:11

Ibwaha u manya tsingulu tsyobutima bubwo Kandi ubutima bubwo kuli litibwa li dukana nive?

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Kutwula 20:3

U ta va na vanyasaye avandi imbiri wange mba.

Kutwula 3:20

Kandi inze nda nyira mukono gwange, nokuduya Egepeti na vyokugennya vyange vyosi vya ndi kola hagati hakyo: na inyima wa yaga a la mu ha munwa kutsia.

Kutwula 8:10

Naye ya vola, Mugamba. Na ya vola, Ga ve kuli likuva lilyo; u duke kumanya si ha veye nowundi u leng'ana na Yahova Nyasaye wetu.

Kutwula 8:6

Na Haruni ya nyira mukono gwigwe ku amadzi ga Egepeti; na makere ga senuka, na ga kunika kivava kya Egepeti.

Kutwula 9:14

Kigira ku inyinga yiyi nda leta maduya gange gosi ku mwoyo gugwo, noku avatumekiri vovo, noku avandu vovo; u duke kumanya si ha veye na wundi kuli inze mu lirova lyosi.

Isaya 30:11

mu twule ku inzira, mu girunkane mu twule ku katsira, mu heridze Uyu Mutakatifu wa Israeli, a vule kuva imbiri wetu.

Isaya 40:18

Kunangwa Nyasaye uyu mu la mu leng'annya na bwaha? Kinga mu la mu fwanannya nolugano ki?

Isaya 40:25

Kunangwa mu la fwanannya na bwaha inze, nduke kuleng'ana nave? Mutakatifu a vola.

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 6:3

Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe.

Jeremia 10:16

Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

Jeremia 49:19

Henza, a lanegira kutwula mu luyai lwa Yordani, kuli king'ang'a, ku limenya lya avetsingulu: navutswa nda va nyagulidza viruke nonoho; na uyu wa tovolwa, niye wa ndi vika kulyo: kigira ni bwaha u leng'ana ninze? Kandi ni bwaha u ling'olera inyinga? Kandi ni bwaha ni mwayi u li singira imbiri wange?

Kyavalevi 19:2

U volere livugana lyosi lya avana va Israeli, nokuvavolera, Mu ve avatakatifu; kigira inze Yahova Nyasaye wenyu mbeye mutakatifu.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Kwidzulitsa 1:30

Yahova Nyasaye wenyu wimiranga imbiri wenyu, a la mu lwanira kuli vyosi vya ya mu kolera mu Egepeti imbiri wetsimoni tsyenyu

Kwidzulitsa 3:24

O Yahova Nyasaye, wa tanga kumannya mutumwa wowo ubunene bubwo, nomukono gugwo gwetsingulu: kigira ha veye na nyasaye ki mwigulu kinga mu lirova, u nyala ku kola kuii miyinzi gyigyo, kandi kuli likola lilyo lyetsingulu?

Kwidzulitsa 33:26

Si ha veye nofwanana na Nyasaye, O Jeshurun, Udzanga u nini igulu migulu ku likonywa lilyo, Noku malesi mu ubukumi bwibwe.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Likunula 13:4

ni va sigamira guyoka, kigira gwa ha inyama lihaana munwa lyayo; kandi va sigamira inyama, ni va vola, Ibwaha u leng'ana noyu inyama? Kandi ibwaha u nyala kulwana naye?

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.

1 Samweli 2:2

Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.