Kutwula 14:4 - KITABU KITAKATIFU

⁴ Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Kutwula 14:4 ပူးပေါင်းရင်းမြစ်များ

Nehemia 9:10

wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 10:27

Navutswa Yahova ya dinyeridza mwoyo gwa Farao, naye ya sula kuvalakula va tsie.

Kutwula 12:28

Na avana va Israeli va tsia ni va kola ndiyo; kuli Yahova ya laga Musa na Haruni, va kola ndiyo.

Kutwula 14:23

Na Avaegepeti va va londerera, ni vingira mu inyanza inyima wavo hagati henyanza, tsiparasi tsyosi tsya Farao, amagari gege, na avetsiparasi veve.

Kutwula 14:25

Na ya twulidza tsingida tsyamagari gavo, ni ga gendidzwa nobudinyu; kuduka Avaegepeti va vola, Kwiruke kutwula imbiri wa Israeli; kigira Yanova a va lwanira ku Avaegepeti.

Kutwula 14:3

Na Farao a la vola ku avana va Israeli, Va hambeywi mu kivala, ligendinyama li vigaliye.

Kutwula 14:5

Na mwami wa Egepeti ya volerwa, avandu viruki: na mwoyo gwa Farao nogwavatumekiri veve gwa girunkanywa ku avandu, ni va vola, Ni kinduki kya kwa kola, ku lileka Israeli va tsie, va vule kukutumekira?

Kutwula 14:8

Na Yahova ya dinyiridza mwoyo gwa Farao mwami wa Egepeti, naye ya londerera avana va Israeli: kigira avana va Israeli va twula nomukono gwetsingulu.

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 7:17

Yahova a volanga, Ku inkuva yiyi u la manya mbeye Yahova: henza, nda kuya amadzi aga veye mu mugera yimu nempimbo ya mbeye nayo mu mukono gwange, nago ga la girunkannywa, na ga la gwa masahi.

Kutwula 7:3

Na nda dinyeridza mwoyo gwa Farao na nda meda vilolekidzu vyange na vyokugenya vyange mu kivala kya Egepeti.

Kutwula 7:5

Na Avaegepeti va la manya Inze mbeye Yahova, lwa nyira mukono gwange ku Egepeti, nokutwulidza avana va Israeli hagati havo.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Ezekieli 28:22

Mwami Nyasaye a vola ndi: Henza, mbeye musigu ku ive, O Sidone; nda kuminywa hagati hoho; na va la manya inze mbeye Yahova, lwa mmali kukola likalaga muye, nokuva mutakase muye.

Ezekieli 32:15

Lwa ndi kola kivala kya Egepeti kuva batswa na kyere, kivala kyobudaka, yikyo kyeizula mu, lwa nda kuya avandu vosi va menyanga mukyo, hene yaho va la manya inze mbeye Yahova.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Ezekieli 38:23

Na ndii dzominya inze mwene, nokwetakasa inze mwene, ndemannya inze mwene mmanyekane imbiri wetsimoni tsyetsihiri tsinyingi; navo va la manya inze mbeye Yahova.

Ezekieli 39:13

Yee, avandu vosi avekivala yikyo va la va ta; inkuva yeyo i la va likuminywa kuvo mu lidiku lya ndidzominywa, Mwami Nyasaye a vola.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Varumi 11:8

kuli wa ga ng'odwa, Nyasaye ya va ha mwoyo gwetsindolo tsinene, tsimoni tsi vula kulola, namatu ga vula kuhulira, kali kuduka lidiku lya lero.

Varumi 9:17

Kigira ma ng'oda ga volera Farao, Nda vika ive kigira ubulaliri yibu, nduke kuku lang'aminyira tsingulu tsyange, kandi lieta lyange li duke kulandidzwa mu lirova lyosi.

Varumi 9:18

Kunangwa a vererera uyu wa a yanza, kandi wa a yanza a mu dinyiridza.

Joshua 11:20

Kigira ga li ga Yahova va kola myoyo gyavo kuva rnidinyu, kuduka va twule kulwana na Israeli, a duke kuvadividza ligali, va vule kuverererwa, navutswa a duke ku va dividza, kuli Yahova ya laga Musa.

Vakalagi 4:7

Na inze nda ku sundira, ha mugera gwa Kishon, Sisera, munene welihe lya Jabin, halala namagari gege nobunyingi bwavandu veve; na nda mu vika mmukono gugwo.