Kutwula 14:31 - KITABU KITAKATIFU

³¹ Na Israeli va lola miyinzi minene gya Yahova ya kola ku Avaegepeti, na avandu va tia Yahova: na va suuvira Yahova, na mutumekiri wewe Musa.

Kutwula 14:31 ပူးပေါင်းရင်းမြစ်များ

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

Nehemia 9:9

Kandi wa lola kivi kyavaguga vetu mu Egepeti, na wa hulira lilira lyavo ku luginga lwa Inyanza Inzakanyu,

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Kutwula 19:9

Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Luka 8:13

Navo va veye ku lwanda nava, lwa va hulira va bugirira likuva nobuyanzi; navutswa si va li nemiri, ava suuvira hakekeke, navutswa inyinga yeligeridzwa va twula.

Yohana 11:45

Kunangwa avanyingi ku Vayuda avadza halala na Maria ni va lola kya ya kola va mu suuvira.

Yohana 2:11

Litanga yili lyevilolekidzu vivye, Yesu ya kola mu Kana lya Galilaya, na a mannya ubukumi bwibwe; kandi avegidzwi veve va mu suuvira.

Vikolwa 8:13

Kandi Simoni mwene ya suuvira: na a batidzwa na a menya na Filipu; kandi ya genya lwa ya lola vilolekidzu nevyokugenya vinene vi kolangwa.

Vahebraina 3:5

Kandi Musa ligali ya li musuuvirifu mu inyumba yeye yosi kuli mutumwa, a ve kilolekidzu kyevindu vi li volwa inyima;

Joshua 24:7

Navo lwa vanira Yahova ya vika kisundi hagati henyu na Vaegepeti, na ya leta inyanza kuvo, nokuvakunika; netsimoni tsyenyu tsya lola gosi aga nda kola mu Egepeti: na mwa menya mu kyangalangwi amadiku manyingi.

Joshua 4:14

Ku lidiku yilyo Yahova ya kuminya Joshua imbiri wetsimoni tsya Israeli vosi; navo va mu tia, kuli wa va tidzanga Musa, madiku gosi gelivamwoyo lilye.

Joshua 4:24

avandu velirova vosi va duke kumanya mukono gwa Yahova, gu veye mukono gwobunyali; mu duke kutia Yahova Nyasaye wenyu mihiga nemihiga.

1 Samweli 12:16

Kunangwa kalunu mu singire mu lole inkuva yiyi inene, ya Yahova a la kola imbiri wetsimoni tsyenyu.

1 Samweli 12:18

Ma Samweii yanira Yahova; na Yahova ya leta tsinkupa nembula lidiku yilyo: navandu vosi va tia Yahova ligali, na Samweli.