Kutwula 14:30 - KITABU KITAKATIFU

³⁰ Na ndiyo Yahova ya honya Israeli ku lidiku yilyo ku mukono gwa Avaegepeti; na Israeli va lola Avaegepeti avakudzu ku luginga lwenyanza.

Kutwula 14:30 ပူးပေါင်းရင်းမြစ်များ

2 Kyetsinyinga 32:22

Na ndiyo Yahova ya honnya Hezekia navamenyi Yeru salemi mmukono gwa Senakeribu mwami wa Asuria, na mmakono gavandu vosi, na ya vimirira ku tsimbega tsyosi.

Zaburi 106:10

Na ya va honnya ku mukono gwa uyu wa va dunyira, Nokuvananula ku mukono gwomusigu.

Zaburi 106:8

Navutswa ya va honnya kigira lieta lilye, A duke kulang'aminya ubunene bwetsingulu tsitsye.

Zaburi 58:10

Wobulungi a la sangala lwa a lola livanza kisalya: A la singa virenge vivye mmasahi ga vadamano.

Zaburi 59:10

Nyasaye wange a la mbuganira netsimbabasi tsitsye: Nyasaye a la mba kwumika avasigu vange.

Zaburi 91:8

U la henza netsimoni tsitsyo tsyeng'ine Nokulola madanyi ga avadamano.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Isaya 63:11

Hene yaho lwa yidzulitsa madiku ga kale, Musa navandu veve, ya vola, A veye haliha uyu wa vanegeridza kutwula mu inyanza halala na avayi ve kyayo kikye? A veye haliha uyu wa vika Roho Mutakatifu wewe hagati havo?

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Yudasi 1:5

Kalunu nyenya kwidzulitsa mwinye kali mu manya vindu vyosi lulaia vutswa, kuli Mwami inyinga ya mala kuhonnya avandu va twula mu kivala kya Egepeti, inyima ya dividza ava vula kusuuvira.

Vakalagi 10:11

Na Yahova ya volera avana va Israeli, Si nda honnya mwinye ku Vaegepeti, noku Vaamori noku avana va Amon, noku Vafilisitii

1 Samweli 11:13

Na Saulo ya vola, Si ha veye nomundu u nyala kwiitwa lero; kigira lero Yahova u koli ubuhonnyi mu Israeli.

1 Samweli 14:23

Na Yahova ya honnya Israeli lidiku yilyo: nelihe lya vita kuduka himbi Beth-aven.