Kutwula 14:27 - KITABU KITAKATIFU

²⁷ Na Musa ya nyira nukono gwigwe ku inyanza, na lwa bwa kya inyanza yirana ku tsingulu tsyayo tsya kazozo; na Avaegepeti va giruka; na Yahova ya vungulula Avaegepeti mu inyanza.

Kutwula 14:27 ပူးပေါင်းရင်းမြစ်များ

Nehemia 9:11

Na watannya inyanza imbiri wavo, kuduka va vita hagati henyanza mu kivala kyumu; na yavo ava va londerera wa va ta mu luliva, kuli ligina mu madzi manene.

Zaburi 106:11

Na amadzi ga kunika avasigu vavo; Kali mulala kuvo si ya tigala mba.

Zaburi 136:15

Na ya dividza Farao na lihe lilye mu Inyanza Inzakanyu; Kigira tsimbabasi tsitsye tsi veye ho mihiga nemihiga:

Zaburi 78:53

Ya vimirira bulahi, kuduka va vula kutia; Navutswa inyanza ya kunika avasigu vavo.

Isaya 10:26

Kandi Yahova wa mahe a la vukidza liduywa kuye, kuli ya kola mu liitwa lya Mi diani ha lwanda lwa Orebu: nempi mbo yeye i la va igulu ku inyanza, na a la gi gingira kuli miima gya Egepeti.

Kwidzulitsa 11:4

kandi kuli ya kola ku lihe lya Egepeti, ku tsiparasi tsyavo, namagari gavo; kandi kuli ya vinika mmadzi ge Inyanza Inzakanyu lwa va mu londerera, na kuli Yahova ya va dividza kuduka lero;

Vahebraina 11:29

Ku lisuuvira va vita mu inyanza inzakanyu kuli ku marova amumu: lwa Vagepeti va geridza kukola ndiyo va kudzera mu madzi.

Joshua 24:7

Navo lwa vanira Yahova ya vika kisundi hagati henyu na Vaegepeti, na ya leta inyanza kuvo, nokuvakunika; netsimoni tsyenyu tsya lola gosi aga nda kola mu Egepeti: na mwa menya mu kyangalangwi amadiku manyingi.

Joshua 4:18

Na ga duka, lwa vasalisi ava ginga lisanduku lyelilagana lya Yahova lwa vanegira kutwula mu Yordani, netsinduvatiru tsyavasalisi lwa tsya gingwa nokuvikwa ku marova amumu, hene yaho amadzi ga Yordani girana mbugono bwago, nokwizula nokuvita tsinzako tsyago, kuli lwa ga li ku matsyambiri.