Kutwula 14:22 - KITABU KITAKATIFU

²² Na avana va Israeli vingira mu inyanza ku kivala kiumu: na amadzi ga li madigi kuvo ku mukono mulungi, noku mukono mmosi.

Kutwula 14:22 ပူးပေါင်းရင်းမြစ်များ

2 Avami 2:14

Na ya gumira ingubo yokwigulu ya Elija yaguluka kutwula kuye, na ya kuyira amadzi, na a vola, Yahova Nyasaye wa Elija a veye haliha? Lwa ya mala kukuya amadzi, gayuka kutsia yiyi neyiyi; ma Elisha yambuka.

2 Avami 2:8

Na Elija ya vugula ingubo yeye yokwigulu, na a gi linga halala, nokuduya amadzi, nago gayuka kutsia yiyi neyiyi, ma vambuka vombi ku kivala kyumu.

Nehemia 9:11

Na watannya inyanza imbiri wavo, kuduka va vita hagati henyanza mu kivala kyumu; na yavo ava va londerera wa va ta mu luliva, kuli ligina mu madzi manene.

Zaburi 106:9

Ya gondokera Inyanza Inzakanyu kandi, na ya kama: Na ndiyo ya va gendidza hagati henyanza kuli mu kivala kyumu.

Zaburi 136:13

Ku uyu wavukanya Inyanza Inzakanyu hagati; Kigira tsimbabasi tsitsye tsi veye ho mihiga nemihiga;

Zaburi 136:14

Na ya vitidza Israeli hagati hayo; Kigira tsimbabasi tsitsye tsi veye ho mihiga nemihiga;

Zaburi 66:6

Ya girunkannya inyanza i gwe kivala kyumu; Vambuka mugera nevirenge: Ha zana kwa mu sangalira ho.

Zaburi 74:15

Wa vukannya kisenukiru na mugera: Wuminya migera gyi vula kuhera.

Zaburi 78:13

Yavukanya inyanza, na a vambukidza engereka; Ya singeridza amadzi kuva kuli kitumi.

Kutwula 14:29

Navutswa avana va Israeli va genda ku lirova liumu mu inyanza; na amadzi ga li madigi kuvo, ku mukono mulungi, noku mukono mmosi.

Kutwula 15:19

Kigira tsiparasi tsya Farao halala na magari gege na avetsiparasi veve, vingira mu inyanza, na Yahova ya leta amadzi genyanza rirana kuvo; navutswa avana va Israeli va genda ku lirova liumu mu inyanza.

Kutwula 15:8

Amadzi ga digululwa igulu nelihuudza lya amolu gogo, Viguvuli vya singira bulungi kuli vitumi; Amadzi ga dinya mu mwoyo gwenyanza.

Isaya 11:15

Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 43:16

Yahova a vola, uyu u lombanga inzira mu inyanza, inzira mu madzi manene;

Isaya 51:10

Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Isaya 63:13

Wa vimirira mu luliva, kuli iparasi mu kyangala ngwi, va vule kwikigitala?

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Livalidza 33:8

Navasamula kutwula imbiri wa Hahirothu, ni va vita hagati henvanza, ni vingira mu kyangalangwi: na va tsia madiku gavaka mu kyangalangwi kya Etham, ni va sosa ha Mara.

1 Vakorintho 10:1

Kigira si nyenya mwinye, avamitu, mu vule kumanya avaguga vetu vosi va li mu lilesi, kandi vosi va vita mu inyanza;

Vahebraina 11:29

Ku lisuuvira va vita mu inyanza inzakanyu kuli ku marova amumu: lwa Vagepeti va geridza kukola ndiyo va kudzera mu madzi.

Joshua 3:16

hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.

Joshua 3:17

Na avasalisi va ginga lisanduku lyelilagana lya Yahova va singira budinyu ku marova amumu hagati ha Yordani; na Israeli vosi vambuka ku marova amumu, kuduka ihiri yosi ya mala kwambuka Yordani.

Joshua 4:22

Hene yaho mu la volera avana venyu, ni mu vola, Israeli yambuka mugera yigu gwa Yordani ku marova amumu.

1 Samweli 25:16

va li lidigi ku kwinye inyinga yobudiku nombasu halala, tsinyinga tsyosi tsya kwa li halala navo kwaya magondi.