Kutwula 14:16 - KITABU KITAKATIFU

¹⁶ Na ive u ginge impimbo yoyo, nokunyira mukono gugwo ku inyanza, u gyavukanye: na avana va Israeli va lingira hagati henyanza ku lirova liumu.

Kutwula 14:16 ပူးပေါင်းရင်းမြစ်များ

2 Avami 4:29

Hene yaho ya volera Gehazi Webohe kikenge kikyo, u vugule impimbo yange mmukono gugwo, u tsie: nu u vugana nomundu ku inzira u ta mu chelidza mba; na a ku chelidza, u ta mu tivulira mba: u vike impimbo yange ku mumoni mwomwana.

Kutwula 14:15

Na Yahova ya volera Musa, Kigira ki waniranga inze? U volere avana va Israeli, va tsie imbiri.

Kutwula 14:26

Kandi Yahova ya volera Musa, Nyira mukono gugwo ku inyanza, amadzi girane ku Avaegepeti, ku magari gavo gelihe, noku avetsiparasi vavo.

Kutwula 17:5

Na Yahova ya volera Musa, Vita wimire imbiri wa avandu, na u hile halala na ive avalala ku vakulundu va Israeli; na impimbo yoyo, ya wa duyira mugera, u vugule mu mukono, gugwo, na u tsie.

Kutwula 17:6

Henza, nda singira yo imbiri wowo ku lwanda lwa Horebu; na u la duya lwanda, na amadzi ga la twula kulwo, avandu va duke kunwa. Na Musa ya kola ndiyo imbiri wa avakulundu va Israeli.

Kutwula 4:17

Na u la va nempimbo yiyi mu mukono gugwo, na i la va ya u li kolera vilolekidzu.

Kutwula 4:2

Na Yahova ya mu teva, Ni kindu ki kya u veye nakyo mu mukono gugwo? Naye ya vola, Ni impimbo.

Kutwula 4:20

Na Musa ya vugula mukali wewe na avayai veve, na a va nyinnya ku isukiri, ni yirana ku kivala kya Egepeti: na Musa ya ginga imphnbo ya Nyasaye mu mukono gwigwe.

Kutwula 7:19

Na Yahova ya volera Musa, U volere Haruni, U vugule impimbo yoyo, u nyire mukono gugwo ku amadzi ga Egepeti, noku migera gyavo, noku tugera twavo, noku tsinyanza tsyavo, noku madavalia gavo gosi, ga duke kuva masahi, na hosi mu kivala kya Egepeti ha la va namasahi, mu viju vyemisala nomu viju vya magina.

Kutwula 7:9

Lwa Farao a la mu volera, na a vola, Langaminyira mwinye kyokugenya; hene yaho u la volera Haruni, U vugule impimbo yoyo, u gi lakule hasi imbiri wa Farao, i duke kugwa inzoka.

Isaya 10:26

Kandi Yahova wa mahe a la vukidza liduywa kuye, kuli ya kola mu liitwa lya Mi diani ha lwanda lwa Orebu: nempi mbo yeye i la va igulu ku inyanza, na a la gi gingira kuli miima gya Egepeti.

Habakuk 3:8

Yahova ya vihirirwa nemigera? Butima bubwo bwa li ku migera, Kinga ubutima bubwo bwa li ku inyanza, Ive u duka kunina ku tsiparasi tsitsyo Ku magari gogo gobuhonyi?

Livalidza 20:11

Na Musa ya ginga mukono gwigwe, nokukuya lwanda nempimbo hali kaviri: na amadzi ga twula manyingi, na livugana lva nwa, nemitugu gyavo.

Joshua 8:18

Na Yahova ya volera Joshua, U nyire litimu lya u veye nalyo mmukono gugwo u henzidze Ai: kigira nda li vika mmukono gugwo. Na Joshua ya nyira litimu lya li mmukono gwigwe ku lihenzidza ku lidala.