Kutwula 13:9 - KITABU KITAKATIFU

⁹ Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 13:9 ပူးပေါင်းရင်းမြစ်များ

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 136:11

Na ya twulidza Israeli hagati havo; Kigira tsimbabasi tsitsye tsi veye ho mihiga nemihiga;

Zaburi 136:12

Nomukono gwetsingulu, nomu kono gwa nyirwa; Kigira tsimbabasi tsitsye tsi veye ho mihiga nemihiga:

Zaburi 89:13

U veye nomukono gwobunyali; Mukono gugwo gu veye netsingulu, mukono gugwo mulungi gu veye munene.

Kutwula 12:14

Na lidiku yili li la va lyokwidzulitsa ku mwinye, na mu la li linda li ve lidiku linene ku Yahova: mu visukululwi vyenyu mu la li linda li ve lidiku linene kuva lilaga lyemihiga nemihiga.

Kutwula 12:41

Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:16

Inkuva yiyi i la va lilolekidza ku mukono gugwo, na kyokuvikwa hagati hetsimoni tsitsyo; kigira Yahova ya ku twulidza mu kivala kya Egepeti netsingulu tsyomukono gwigwe.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 3:20

Kandi inze nda nyira mukono gwange, nokuduya Egepeti na vyokugennya vyange vyosi vya ndi kola hagati hakyo: na inyima wa yaga a la mu ha munwa kutsia.

Kutwula 7:4

Navutswa Farao a la vula kumuhulira, na nda vika mukono gwange ku Egepeti, nokuleta amahe gange, avandu vange avana va Israeli, va twule mu kivala kya Egepeti nelikalaga linene.

Tsing'ano 1:9

Kigira ameyidzo yaga ga la va igudwa yobulahi ku mutwe gugwo, Na minyoro mwigoti mumwo.

Tsing'ano 3:21

Mwana wange, u ta leka yaga ga twule imbiri wetsimoni tsitsyo; U gumire ubugeeri budukiru na limanya:

Tsing'ano 7:23

Kuduka lwo mbano gu mu tumita mu likudumane lilye; Kuli linyonyi li tsitsanga bwangu kwingira mu luginga, Na si a manya ga veye kudividza livamwoyo lilye.

Lwimbu lwa Solomoni 8:6

Mbika mu mwoyo gugwo kuli muhuri Kuli muhuri ku mukono gugwo: Kigira ubuyanzi bu veye netsingulu kuli likudza; Imbodoka i veye bululu kuli Kihadisi; Lumemo lwayo lu veye lumemo lwomuliru, Lumemo lwomuliru gwa Yahova ligali.

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 44:5

Mulala a la vola, Inze mbeye wa Yahova; nowu ndi a lelanga ku lieta lya Yakobo; nowundi a la ng'oda nomukono gwi gwe ku Yahova, na a legulika ku lieta lya Israeli.

Isaya 49:16

Henza, nda ku ng'oda mu vigalo vyange; madigi gogo ga veye imbiri wange kazozo.

Isaya 51:9

Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Jeremia 22:24

Kuli inze mbeye mwoyo, Yahova a vola, kali Konia mwana wa Jehoiakim mwami wa Yuda ni ya li imingiri yomuhuri ku mukono gwange mulungi, nkano nda ka twulidza ive ha zana;

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Matayo 23:5

Navutswa miyinzi gyavo gyosi gya va kola, va kolanga avandu va va lole: va kola tsifilateri tsyavo tsimamba lalu, ni va dasa tsing'oli ku nyasi kwetsingubo tsyavo,

Varumi 10:8

Navutswa ga vola ki? Likuva yili li veye himbi nive, mu munwa gugwo, kandi mu mwoyo gugwo, nalyo li veye likuva lyelisuuvira lyokwilwadza:

Kwidzulitsa 30:14

Navutswa likuva yili li veye himbi ku ive, li veye mmunwa gugwo, nommwoyo gugwo, u duke kulikola.

Kwidzulitsa 5:15

Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.

Kwidzulitsa 6:21

Hene yaho u la volera mwana wowo, Kwa li avatugwa va Farao mu Egepeti: Yahova ya ku twulidza Egepeti nomukono gwetsingulu;

Kwidzulitsa 6:6

Makuva yaga ga nda ku laga lero, ga la va mmwoyo gugwo;

Kwidzulitsa 6:8

Na u la ga boha ga ve kilolero ku mukono gugwo, na ga la va kuli kyokwidzulitsa hagati hetsimoni tsitsyo.

Likunula 18:8

Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.

Vakalagi 2:12

ni va leka Yahova, Nyasaye wa vaguga vavo, wa va leta kutwula mkivala kya Egepeti, na va londa vanyasaye vandi, ku vanyasaye vavandu ava va kumbiridza, na vinamira vanyasaye yavo: na va vihiriridza Yahova kuduka na a vihirirwa.