Kutwula 13:5 - KITABU KITAKATIFU

⁵ Kandi ga la va, lwa Yahova a la kwingiridza mu kivala kyo Mukanani, na Muhiti, na Muamori, na Muhivi, na Mujebusi, kya yesuhira avaguga vovo kukuha, kivala ki gangalukanga amaveere no bwuki, u la lombera Yahova ubutumiki yibu mu mweli yigu.

Kutwula 13:5 ပူးပေါင်းရင်းမြစ်များ

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

1 Kyetsinyinga 1:15

na Vahivi, na Vaariki, na Vasini,

Kutwula 12:24

Kandi mu la linda inkuva yiyi i ve lilaga ku ive noku avana vovo mihiga nemihiga.

Kutwula 13:10

Kigira yaga u la kola inkuva yiyi inyiga yeyo muhiga nomuhiga.

Kutwula 13:11

Kunangwa, lwa Yahova a li ku leta mu kivala kyo Mukanani, kuli yisuhira ive na avaguga vovo, na a la ku ha,

Kutwula 3:17

Kandi mmali kuvola, Nda mu leta mwanegire kutwula mu busaliri bwa Egepeti, nokumuvika mu kivala kya Avakanani, na Avahiti, na Avaamori, na Avaperizi, na Avahivi, na Avajebusi, mu kivala ki gangalukanga amaveere na bwuki.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Kutwula 33:1

Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:

Kutwula 34:11

Ive u kole aga nku laganga lero: henza, nda kunga kutwula imbiri wowo Avaamori, na Avakanani, na Avahiti, na Avaperizi, na Avahivi, na Avajebusi.

Kutwula 6:4

Kandi nsingeridzi lilagana lyange halala navo, nduke kuvaha kivala kya Kanani, kivala kye limenya lyavo, kya va li va menya mukyo.

Kutwula 6:8

Kandi nda mu leta mu kivala kya ndisuhira Abrahamu, Isaka, na Yakobo kuvaha; na nda ki haana ku mwinye ki ve miyandu gyenyu: mbeye Yahova.

Jeremia 11:5

nduke kudinyeridza lyesuha lya ndisuhira vaguga venyu, kuvaha kivala ki gangulukanga amaveere nobwuki, kuli ga veye lero. Hene yaho nda bugirira, nokuvola, Amini, O Yahova.

Jeremia 32:22

na wa va ha kivala yiki, kya wisuhira avaguga vavo kuvaha, kivala ki gangulukanga amaveere nobwuki;

Ezekieli 20:6

ku lidiku yilyo nda visuhira, kuvatwulidza mu kivala kya Egepeti vingire mu kivala kya nda va lutira, ki gangulukanga amaveere nobwuki, ki veye ubukumi bwevivala vyosi.

Kyavalevi 20:24

Navutswa mmu voleve, Kivala kyavo ki la va miyandu gyenyu, na nda mu ha kivala kizula amaveere nobwuki kuva kyenyu: inze mbeye Yahova Nyasaye wenyu, wa mwahula ku tsihiri.

Livalidza 11:12

Ninze wa verekidza avandu yava vosi? Ninze wa vivula, ive u duke kumbolera, U va ginge mu kiritu kikyo, kuli dada u leranga mwana u nunanga, kuvadukidza mu kivala kya wisuhira avaguga vavo?

Livalidza 13:27

Kandi va mu volera, nokuvola, Kwa duka mu kivala kya wa ku tuma mu; na ligali ki veye kivala ki gangulukanga maveere nobwuki; na yaga ga veye makuyu gakyo.

Livalidza 14:16

Kigira Yahova si ya nvala kudukidza avandu yava mu kivala kya ya visuhira, kunangwa u viitiye mu kyangalangwi.

Livalidza 14:30

ligali si mu lingira mu kivala kya ndisuhira nda mu mennya mu, na a ta li Kalebu mwana wa Jefune, na Joshua mwana wa Nuni.

Livalidza 32:11

Ligali si ha la va nomulala ku yavo ava li kutwula mu Egepeti, kutwula ku avemihiga makumi gaviri nokuvita u nyala kulola kivala kya nda lagana na Abrahamu, na Isaka, na Yakobo; kigira si va nonda nomwoyo gwosi:

Kwidzulitsa 12:29

Lwa Yahova Nyasaye wov o a la kalaga tsihiri va twule imbiri wowo ha wingiranga kutsigumira, na u va vugula, nokumenya mkivala kyavo;

Kwidzulitsa 19:1

Inyinga Yahova Nyasaye wovo a li kalaga tsihiri, avene kivala kya Yahova Nyasaye wowo a ku ha, na u la va londa, nokumenya mmadala gavo, no mu tsinyumba tsyavo;

Kwidzulitsa 26:1

Na ga duke lwa u mala kwingira mu kivala kya Yahova Nyasaye wowo a ku ha, kuva miyandu, na u ki gumire nokumenya mu,

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Joshua 24:11

Na mwambuka Yordani, nokuduka Yeriko: avasatsa va Yeriko va lwana nemwinye, Vaamori, na Vaperizi, na Vakanani, na Vahiti, na Vagirigashi, na Vahivi, na Vajebusi; nda va vika mmakono genyu.