Kutwula 13:21 - KITABU KITAKATIFU

²¹ Na Yahova ya tsia imbiri wavo inyinga yombasu mu munara gwelilesi, kuvimirira ku inzira, na mu budiku mu munara gwomuliru, kuvaha ubulavu; va duke kugenda mu mbasu nomu budiku:

Kutwula 13:21 ပူးပေါင်းရင်းမြစ်များ

Nehemia 9:12

Kandi wa vimirira mu munara gwelilesi inyinga yombasu; kandi mu munara gwomuliru inyinga yobudiku, kuvaha ubulavu ku inzira ya ga va dukira kutsia kuyo.

Nehemia 9:19

navutswa ive mu tsi mbabasi tsinene tsitsyo, si wa va leka mu kyangalangwi: munara gwe lilesi si gwa twula kuvo mmbasu, kuvimirira inzira; kinga munara gwo muliru inyinga yobudiku, kuvaha ubulavu, nenzira ya ga va dukira kutsia kuyo.

Zaburi 105:39

Ya leta lilesi kuvakunika, Na muliru kuvaha ubulavu mbudiku.

Zaburi 68:7

O Nyasaye, lwa wimirira avandu vovo Lwa wa tsia ho mkyangalangwi; [Selaha

Zaburi 77:20

Wimirira avandu vovo kuli mwimiriri wekyayo, Nomukono gwa Musa na Haruni.

Zaburi 78:14

Kandi ya vimirira nelilesi mbasu, Na ubudiku bei ya rimirira nobulavu bwomuliru

Zaburi 99:7

Ya va volera makuva mu munara gwelilesi: Va gumira lilolekidza lilye, Na amalago ga ya va ha.

Kutwula 10:10

Naye ya va volera, Ga ve ndiyo: Yahova a ve halala na mwinye, nduke kumulakula mu tsie, na avana venyu: henzi bulahi; kigira ubudamano bu veve imbiri wenyu.

Kutwula 16:10

Kunangwa, inyinga Haruni ya li mu livola ku livugana lyosi lya avana va Israeli, va henza ku kyangalangwi na henza, ubukumi bwa Yahova bwa loleka mu lilesi.

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Lwimbu lwa Solomoni 3:6

Ni bwaha wanegiranga kutwula mu kyangalangwi Kuli minara gyomwoki, Wa vakwa maguta gomwayu gwa manemane nekimuli, Halala nobusie bwevifunyanga mwayu vyosi vya mugulidzi?

Livalidza 10:34

Na lilesi lya Yahova lya li igulu kuvo mbasu, lwa va samula kutsia imbiri kutwula mu hokusosa.

Livalidza 14:14

navo va la volera avandu vekivala yiki: va huliye ive Yahova u veye hagati ha avandu yava; kigira ive Yahova u lolangwa imoni na imoni, na lilesi lilyo li singiranga kuvo, na ive wimiriranga imbiri wavo mu munara gwelilesi mbasu, na mu munara gwomuliru mu budiku.

Kwidzulitsa 1:33

wa mwimirira ku inzira, nomuliru mbudiku a duke kummannya hokusingiridza mahema genyu, nambasu nelilesi ku mu mannya hokugenda.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.