Kutwula 13:19 - KITABU KITAKATIFU

¹⁹ Na Musa ya hila vigumba vya Yosefa halala naye: kigira uyu yisuhidza avana va Israeli, na a vola, Ligali Nyasaye a ladza ku mwinye; na mu la hila vigumba vyange kutwula hano halala na mwinye.

Kutwula 13:19 ပူးပေါင်းရင်းမြစ်များ

Litanga 48:21

Na Israeli ya volera Yosefa, Henza, nkudzanga: navutswa Nyasaye a la va halala nemwinye, naye a la mu hila kumuvika kandi mu kivala kya avaguga venyu.

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Luka 1:58

Avatende veve navandu veve va hulira Mwami u nenehidzi tsimbabasi tsitsye kuye; navo va sangala naye.

Luka 7:16

Nobutii bwa gumira vosi, ni vidzominya Nyasaye, ni va vola, Muprofeti munene u vuki mu kwinye: Nyasaye u henzi avandu veve.

Vikolwa 7:15

Ku, Yakobo ya sulunguta Egepeti. Kandi ya kudza mwene navaguga vetu;

Vikolwa 7:16

ni va gingwa ni va hilwa Shekem, ni va vikwa mu kilindwa kya Abrahamu ya gula nobuguli bwefetha ku vana va Emori mu Shekem.

Vahebraina 11:22

Ku lisuuvira Yosefa, inyinga kiheri kikye kya li himbi, ya tala amakuva agelitwula lyavana va Israeli; na a laga ku vigumba vivye.

Joshua 24:32

Na vigumba vya Yosefa, vya avana va Israeli va leta kutwula Egepeti, va vi ta ha Shekem, mu kidieli kyekivala kya Yakobo ya gula ku avana va Hamoru ise Shekem, nevidonye mia vyefetha: nakyo kya gwa miyandu gyavana va Yosefa.