Kutwula 13:15 - KITABU KITAKATIFU

¹⁵ Na ga duka, lwa Farao ya lola budinyu kukuha munwa kutsia, Yahova yiita avatanga kwivulwa vosi mu kivala kya Egepeti, avatanga kwivulwa va avandu, na vyatanga kwivulwa vyemitugu: kigira yaga mbaana isadaka ku Yahova ku vyosi vyekisatsa vi kunula inda; navutswa avatanga kwivulwa ku avana vange mba nanula.

Kutwula 13:15 ပူးပေါင်းရင်းမြစ်များ

Zaburi 105:36

Kandi ya kuya ava tanga kwivulwa vosi mu kivala kyavo, Litanga lyetsingulu tsyavo tsyosi.

Kutwula 12:29

Kunangwa ubudiku hagati, Yahova ya kuya avatanga kwivulwa mu kivala kya Egepeti, kutanga ku wa tanga kwivulwa wa Farao wikala ku intebe yeye yobwami, kuduka ku wa tanga kwivulwa wa uyu wa bofwa wa li mu inyumba ya hasi yavahambe; kandi ku vyosi vya tanga kwivulwa ku mitugu.

Kutwula 3:19

Kandi mmanya mwami wa Egepeti si a la mu ha munwa kutsia, auwa, kuduka ku mukono gwetsingulu.

Kutwula 34:20

Na kya tanga kwivulwa kyesukiri, u la ki kirannya kimeme: kandi nu u va nu u tenya kukikirannya u la vunanya ligoti. Vosi ava tanga kwivulwa ku avayai vovo, u la va tungira. Kandi a ta va ho u duka imbiri wange na makono makaya.

Kutwula 4:23

Kandi nku voleye, U he mwana wange munwa a tsie, a duke kuntumekira; na ive nu u suye kumuha munwa a tsie, henza, ndiita mwana wowo, munene wowo.

Livalidza 18:15

Ku vyosi kigulanga inda, kya vyomubiri vyosi vya va haana ku Yahova, mu avandu, nomu tsinyama, ki la va kikyo: navutswa uyu wa tanga kwivulwa na avandu, ligali u la mu tungira, na yiki kya tanga kwivulwa na tsinyama tsi ta li tsiseredze u la tsi tungira.

Livalidza 3:46

Noku litungirwa lya yavo tsimia tsiviri, na makumi gatano na gaviri na vavaka ava tanga kwivulwa ku avana va Israeli, ava vita livalidzwa lya Avalevi,