Kutwula 13:14 - KITABU KITAKATIFU

¹⁴ Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:14 ပူးပေါင်းရင်းမြစ်များ

Litanga 30:33

Kunangwa ubulungi bwange bu la ndolekidza lwenyima, inyinga yokuvalidza madanyi imbiri w owo: ku mitigu gyosi gu ta li na mavahu kinga mibalabale mu tsimbuli, kinga mamwamu mu magondi, yigu ni gu nyoleka mu gyange, u la vola gwibeywi.

1 Kyetsinyinga 16:12

Mwidzulitse miyinzi gyokugenya gya ya kola, Vyokugenya vivye, nelikalaga lyo munwa gwigwe,

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 136:11

Na ya twulidza Israeli hagati havo; Kigira tsimbabasi tsitsye tsi veye ho mihiga nemihiga;

Zaburi 145:4

Likula lilala li lidzominya miyinzi gyigyo ku lindi, Nokulandidza likola lilyo lyetsingulu

Zaburi 78:4

Si ku la ga visa ku avana vavo Ku la volera kisukululwi ki londanga lidzominywa lya Yahova, Na tsingulu tsitsye, na vyokugenya vya ya kola.

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 12:41

Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 13:8

Kandi u la volera mwana wowo mu lidiku zana nu u vola, Ni kigira yaga ga Yahova ya nkolera lwa nda twula mu Egepeti.

Kutwula 13:9

Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 6:1

Na Yahova ya volera Musa, Kalunu u la lola kya nkolera Farao: kigira ku mukono gwetsingulu a la va lakula va tsie, kandi ku mukono gwetsingulu a la va kunga va twule mu kivala kikye.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Jeremia 34:13

Yahova, Nyasaye wa Israeli, a vola ndi: Inze nda kola lilagana navaguga venyu mu lidiku lya nda va twulidza mu kivala kya Egepeti, kutwula mu inyumba yobutugwa, ni mbola,

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Vikolwa 13:17

Nyasaye wa vandu yava Israeli ya tovola vaguga vetu na a va nenehidza lwa va menya mu kivala kya Egepeti, na a vimirira na a va twulidza nomukono gwetsingulu.

Kwidzulitsa 5:15

Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Joshua 22:24

kinga ni ku va ni kwa tovola kukola yaga nobutii, nelisaavira, ni kuvola, Mu madiku gadzanga namusia avana venyu va la volera avana vetu, nokuvola, Mwinye mu veye na ki ku Yahova, Nyasaye wa Israeli?

Joshua 24:17

kigira Yahova Nyasaye wetu, niye wa leta kwinye navadada vetu kutwula mkivala kya, Egepeti, kutwula mu inyumba yavatugwa, kandi niye wa kola vilolekidzu vinene imbiri wetsimoni tsyetu, nokukulinda ku inzira yosi ya kwa genda ku, na hagati ha avandu vetsihiri tsyosi, tsya kwa vita mu;

Joshua 4:6

liduke kuva lilolekidza ku mwinye, lwa, avana venyu va li mu teva ku madiku gadzanga, ni va vola, Kivune kya magina yaga ki veye ki?

Vakalagi 2:12

ni va leka Yahova, Nyasaye wa vaguga vavo, wa va leta kutwula mkivala kya Egepeti, na va londa vanyasaye vandi, ku vanyasaye vavandu ava va kumbiridza, na vinamira vanyasaye yavo: na va vihiriridza Yahova kuduka na a vihirirwa.

Vakalagi 6:8

Yahova ya tuma muprofeti ku avana va Israeli: naye ya va volera, Yahova, Nyasaye wa Israeli, a vola ndina, Inze nda mu leta mwanegire kutwula Egepeti, nda mu twulidza mu inyumba yobutugwa;