Kutwula 13:12 - KITABU KITAKATIFU

¹² u vi haana ku Yahova, vosi ava kunula inda, na vyosi vi tanga kwivulwa ku mitugu; vyosi vyekisatsa vi la va vya Yahova.

Kutwula 13:12 ပူးပေါင်းရင်းမြစ်များ

Nehemia 10:36

kandi ava tanga kwivulwa ku avana vetu vayai, noku mitugu gyetu, kuli ga ng'odwa mu lilaga, ne vya tanga kwivulwa ku tsing'ombe tsyetu, noku magondi getu, kuvileta mu inyumba ya Nyasaye wetu, ku vasa lisi ava tumikanga mu inyumba ya Nyasaye wetu;

Nehemia 10:37

kandi ku lete ubuhya bwobukima bwetu buvisi, nevihaanwa vyetu vyokudigululwa, namakuyu gemisala tsing'ano tsyosi, iwaini namaguta, kuvileta ku vasa lisi, kuvivika mu tsinyumba tsye nyumba ya Nyasaye wetu; nezaka yemilimi gyetu kuhaana ku Valevi; kigira yavo Valevi va vugulanga izaka mu madala gosi yelilima lyetu.

Kutwula 13:1

Na Yahova ya volera Musa, na a vola,

Kutwula 13:2

Mu ntakasire vosi avatanga kwivulwa, ku vyosi ki tanga kukunula inda, hagati ha vana va Israeli, ku vandu noku mitugu; vi veye vyange.

Kutwula 22:28

U ta legeridza Nyasaye, kandi u ta laama munene wavandu vovo.

Kutwula 22:29

U ta lindagira kuleta ku vigese vivyo, kinga ku vyokunwa vivyo. Wa tanga kwivulwa ku avana avayai vovo u la mpa.

Kutwula 34:19

Ku vyosi vya tanga kwivulwa vi veye vyange; noku mitugu gyigyo gyosi gyi veye gyekisatsa, yigyo gyi tanga kwivulwa, ing'ombe na ligondi.

Kutwula 34:20

Na kya tanga kwivulwa kyesukiri, u la ki kirannya kimeme: kandi nu u va nu u tenya kukikirannya u la vunanya ligoti. Vosi ava tanga kwivulwa ku avayai vovo, u la va tungira. Kandi a ta va ho u duka imbiri wange na makono makaya.

Ezekieli 16:20

Kandi kuvita yaga u vuguye avayai vovo navakana vovo, ava wa nzivulira, na u viiti va ve kihaanwa ku yavo va duke ku libwa. Vindu vivyo vya malaya vya li inkuva inkekeke,

Ezekieli 44:30

Kandi vindu vyokutanga vyobuhya bwosi bwevindu vyosi, mu visyuviriru vyenyu vyosi, vyevindu vyosi vyevisyuviriru vi la va vya vasalisi: kandi mu la ha musalisi kidieli kyokutanga kyobukima bwenyu buvisi, kuleta ubugasu bu menye ku inyumba yoyo.

Kyavalevi 27:26

Navutswa yokutanga kwivulwa mu tsinyama, ya vikwa kuva yokutanga kwivulwa kuva ya Yahova, ku vosi si ha li nomundu a nyala kukivika kuva kitakatifu; ni i va ni a veye ing'ombe kinga ligondi, i veye ya Yahova.

Livalidza 18:15

Ku vyosi kigulanga inda, kya vyomubiri vyosi vya va haana ku Yahova, mu avandu, nomu tsinyama, ki la va kikyo: navutswa uyu wa tanga kwivulwa na avandu, ligali u la mu tungira, na yiki kya tanga kwivulwa na tsinyama tsi ta li tsiseredze u la tsi tungira.

Livalidza 3:12

Na inze, henza, mbuguye Avalevi mu avana va Israeli mu bugono bwa vosi ava tanga kwivulwa mu avana va Israeli; na Avalevi va la va avange:

Livalidza 3:13

kigira vosi ava tanga kwivulwa va voye avange, ku lidiku yilyo lya nda ouya ava tanga kwivulwa mu kivala kya Egepeti, ndetovolera avokutanga kwivulwa vosi mu Israeli, ku avandu noku mitugu; va la va avange: inze mbeye Yahova.

Livalidza 8:17

Kigira ava tanga kwivulwa vosi mu avana va Israeli va veye avange, ku avandu noku mitugu: ku lidiku lya nda kuya ava tanga kwivulwa vosi mu kivala kya Egepeti nda va takasa va ve avange mwene.

Luka 2:23

(kuli ga ng'odwa mu lilaga lyo Mwami, Ave kisatsa vosi vigula munda mwa mama va la langwa avatakatifu vo Mwami),

Kwidzulitsa 15:19

Vye kisatsa vyosi vi tanga kwivulwa mu kyayo kikyo kyetsing'ombe nekya magondi u vi takasire Yahova Nyasaye wowo: u ta kola miyinzi nekyatanga kwivulwa kyeng'ombe yoyo kandi u ta kalaga obwoya bwekyatanga kwivulwa kyekyayo kyamagondi gogo.