Kutwula 12:8 - KITABU KITAKATIFU

⁸ Na va la lia inyama yalyo mn budiku yibwo, i sambeywi, nobukima bu ta li na mamera; netsingutsa tsindulu va la gi lia.

Kutwula 12:8 ပူးပေါင်းရင်းမြစ်များ

2 Kyetsinyinga 35:13

Vo minya lipasaka nomuliru kuli ama lago: va deka kihaanwa kitakatifu mu tsinyingu, nomu vifuria, nomu tsisahani, nokuvihila bwangu ku avana vavandu vosi.

Zaburi 22:14

Inze nsunduywe kuli amadzi, Na vigumba vyange vyosi vi teguki: Mwoyo gwange gu veye kuli masang'asa; Gu salulukidzeywi mu mala gange.

Kutwula 1:14

na va kola liva lyavo bululu ku butugwa butinyu, ku miyinzi gyobudohi na gyamatafali, na gyemilimi ku tsing'ano tsyosi, ubutugwa bwavo bwosi, yibwo bwa va va tugwa mu nobutugwa budinyu ligali.

Kutwula 12:9

Mu ta gi lia imbisi, kinga yinwa mmadzi, navutswa i sambeywi; mutwe gwalyo, nevirenge na vyomunda vyalyo.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 13:7

Mu la lagira ubukima bu ta li na mamera madiku gosi gatano na gaviri; na ubukima bwamamera bu ta lolwa ku ive, kandi mamera gu ta lolwa ku ive, mu tsinzako tsitsyo tsyosi.

Kutwula 23:18

U ta leta masahi gesadaka yange halala nobukima bwa mamera; kandi maguta gelilia lyange ga ta tigala kuduka mugamba mba.

Kutwula 34:25

U ta haana masahi gekihaanwa kyange halala nobukima bu veye na mamera; kandi kihaanwa kyelilia lyelipasaka si ki la tigala kuduka mugamba.

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Amosi 4:5

mu haane kihaanwa kyokusantidza nekya vikwa mamera, na mu landidze gevihaanwa vyomwoyo gwobuyanzi noku gamba makuva gavyo: kigira yaga ga mu yanzidza, O mwinye avana va Israeli, Mwami Nyasaye a vola.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Matayo 16:12

Kunangwa va manya si ya va volera va gelihe mamera gemilango, navutswa va gelihe migidzo ga Vafarisayo na Vasadukayo.

Matayo 26:26

Lwa va li ni va litsa, Yesu ya vugula ubukima, na a gasidza, na a megannya: na a ha avegidzwi, na a vola, Mu vugule, mu lagire; yibwo nu mubiri gwange.

Vagalatia 5:9

Mamera makekeke ga duvula lihumbi lyosi.

Kwidzulitsa 16:7

U gyuminye na u liire ha Yahova Nyasaye wowo a la tovola, na mugamba wirane ku mahema gogo.

1 Vatesalonike 1:6

Kandi mwinye mwa gwa avegi ku kwinye noku Mwami, mu mali kunyola likuva mu busaliri bunyingi, halala nelisangala lya Roho Mutakatifu;