Kutwula 12:48 - KITABU KITAKATIFU

⁴⁸ Na mumenya u menyanga halala nive, ni yenya kulombera Yahova lipasaka, avekisatsa veve vosi va kevwe, kunangwa yesunde himbi kulilomba; naye a la fwanana nomundu wivulwa mu kivala kyenyu: navutswa mundu kali mulala u vula kukevwa a ta lia ku mba.

Kutwula 12:48 ပူးပေါင်းရင်းမြစ်များ

Litanga 17:11

Na mwinye mu la kevwa ku magodo gemibiri gyenyu; na yaga ga la va lilolekidza lyelilagana hagati hange na mwinye.

Litanga 17:12

Uyu u duka madiku gatano na gavaka hagati henyu a la kevwa, ku avana vosi avayai mu visukululwi vyenyu, wivulwa mu inyumba, kandi uyu wa gulwa nefetha ku vamenya vosi ava ta li ku visukululwi vivyo.

Kutwula 12:19

Madiku gatano na gaviri ga ta loleka mamera mu tsinyumba tsyenyu: kigira ku vosi u lagira bwamamera, mundu uyu a la twulidzwa mu livugana lya Israeli, na a va na a veye mumenya, kinga mwivulwa mu kivala.

Kutwula 12:43

Na Yahova ya volera Musa na Haruni, Lilaga lyelipasaka ni yili: Mundu wehiri yindi si a la lia ku mba;

Ezekieli 14:7

Kigira mundu sa mulala mu inyumba ya Israeli, kinga avageni va menyanga mu Israeli, u twulidzanga mwoyo gwigwe ku inze, nokuvugula vifwananyi vivye mu mwoyo gwigwe, nokuvika kyokwikigitalidza kyobudamano bwibwe imbiri wommoni mwimwe, nokutsia ku muprofeti kunteva likuva ku mwoyo gwigwe: Inze Yahova nda mu tivulira, inze mwene:

Ezekieli 44:9

Mwami Nyasaye a vola ndi, Ha ta va nomugeni, u veye musindi womwoyo, nowomubiri, u lingira hatakatifu hange kali mulala, ku avageni vosi ava veye hagati ha avana va Israeli.

Ezekieli 47:22

Na ga la duka, mu la ki gavula ne ikura kuva imiyandu hagati henyu avene, na hagati ha avageni ava menyanga hagati henyu, ava livulira avana hagati henyu; va la va ku mwinye kuli avivule venyu hagati ha avana va Israeli; va la va nemiyandu halala na mwinye hagati hetsihiri tsya Israeli.

Kyavalevi 19:34

Umgeni u menyanga halala na mwinye a la va ku mwinye kuli wivulwa iwenyu, na u la mu yanza kuli weyanza; kigira mwa li avamenya mu kivala kya Egepeti: inze mbeye Yahova Nyasaye wenyu.

Livalidza 9:14

Na mugeni u menya hagati henyu, na a va ni yenya kulomba lilia lyelipasaka ku Yahova; kuli lilaga lyelipasaka li veye, na kuli miima gyalyo gyi veye, a la kola ndiyo: mu la va nelilaga lilala ku mugeni, noku uyu mwene luhya.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.

Vakolosai 3:11

ha la vula kuva ho Mugreki, no Muyuda, kinga likevwa, nelivula kukevwa, kinga u ta manya miima, kinga Musikuthi, kinga mutugwa, kinga muboholole; navutswa Kristo a veye vyosi, kandi a veye mu vyosi.