Kutwula 12:41 - KITABU KITAKATIFU

⁴¹ Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.

Kutwula 12:41 ပူးပေါင်းရင်းမြစ်များ

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

1 Avami 6:1

Na ga duka mu muhiga gu kola tsimia tsine na makumi gatano na gavaka inyima wa avana va Israeli va twula mkivala kya Egepeti, normlhiga gu kola gme gwelyameha lya Solomoni ku Israeli, ku mweli gwa Zivu, gu veye mweli gwa giviri, ya tanga kwombaka inyumba ya Yahova.

2 Kyetsinyinga 14:12

Ma Yahova ya kuya Vaethiopia imbiri wa Asa na imbiri wa Yuda; na Vaethiopia viruka.

Zaburi 102:13

U la singira kuvererera Zioni; Kigira inyinga yokumuvererera i duki Yee, inyinga ya lagwa i mali kuduka.

Zaburi 114:1

Lwa Israeli va twula Egepeti, Avenyumba ya Yakobo ku twula ku avandu volulimi lugeni;

Zaburi 136:11

Na ya twulidza Israeli hagati havo; Kigira tsimbabasi tsitsye tsi veye ho mihiga nemihiga;

Kutwula 12:17

Na mu la linda lilia lyobukima bu ta li na mamera; kigira mu lidiku zana yili ntwulidzi amahe genyu mu kivala kya Egepeti: kigira yaga mu la linda lidiku yili mu visukululwi vyenyu vyosi mu lilaga lyemihiga nemihiga.

Kutwula 12:51

Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:16

Inkuva yiyi i la va lilolekidza ku mukono gugwo, na kyokuvikwa hagati hetsimoni tsitsyo; kigira Yahova ya ku twulidza mu kivala kya Egepeti netsingulu tsyomukono gwigwe.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 13:9

Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 3:10

Kalunu, hamba na nda ku tuma u tsie ku Farao, u duke kutwulidza avandu vange avana va Israeli, va twule mu Egepeti.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Kutwula 6:26

Yava nivo Haruni zana na Musa, ava Nyasaye ya va volera, na a vola, Mu twulidze avana va Israeli mu kivala kya Egepeti kuli amahe gavo.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 7:4

Navutswa Farao a la vula kumuhulira, na nda vika mukono gwange ku Egepeti, nokuleta amahe gange, avandu vange avana va Israeli, va twule mu kivala kya Egepeti nelikalaga linene.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Kyavalevi 23:43

visukululwi vyenyu vi duke kumanya ga nda kolera avana va Israeli kumenya mu madiri, lwa nda va leta kutwula mu kivala kya Egepeti: inze mbeye Yahova Nyasaye wenyu.

Habakuk 2:3

Kigira malola yaga kali kalunu ga veye genyinga ya lagwa, na ga kolanga bwangu kuduka ku kiheri, na si ga la vola ububehi mba: kali ni ga lindagira, u ga lindirire; kigira ligali ga ladza, si ga la lindagira mba.

Livalidza 23:22

Nyasaye a va letanga kutwula Egepeti; A veye netsingulu tsyembongo.

Livalidza 33:1

Yitsi ni tsing'endo tsya avana va Israeli, tsyelitwula lyavo mu kivala kya Egepeti, kuli amahe gavo mu mukono gwa Musa na Haruni.

Yohana 7:8

Mwinye mwanegire mu tsie mu lilia: inze si nyanegira mu lilia yili; kigira inyinga yange i kikiri kuduka.

Vikolwa 1:7

Ya va volera, Si tsi li tsyenyu kumanya tsinyinga nemihiga gya Dada ya laga mu tsingulu tsitsye.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

Kwidzulitsa 16:1

U linde mweli gwa Abibu, na u gumira lipasaka lya Yahova Nyasaye wowo; kigira gwa li mweli gwa Abibu lwa Yahova Nyasaye wowo ya ku twulidza Egepeti mbudiku.

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

Joshua 24:5

Kandi nda tuma Musa na Haruni, na nda kuya Egepeti, kuli yaga ga nda kola hagati hakyo: na lwenyima nda twulidza mwinye.

Joshua 5:14

Ya vola, Auwa; navutswa nduki kalunu kuva munene welihe lya Yahova. Ma Joshua ya gwa hasi mammama, na ya mu sigamira, na a mu teva, Mwami wange a volera ki inze mutumekiri wewe?