Kutwula 12:38 - KITABU KITAKATIFU

³⁸ Na kandi kiduma kinene ku yava ava hambana navo va tsia halala navo; kandi magondi, netsing'ombe, kuduka imitugu minyingi muno.

Kutwula 12:38 ပူးပေါင်းရင်းမြစ်များ

Nehemia 13:3

Na ga duka, lwa va hulira lilaga, hene yaho va va twulidza ku Israeli vosi ava hambana navo.

Kutwula 10:9

Na Musa ya vola, Ku la tsia na avana vetu na vasakulu vetu; na avayai vetu na vakana vetu, na magondi getu na tsing'ombe tsyetu ku la tsia; kigira ga ku dukira kulombera Yahova lidiku linene.

Kutwula 17:3

Na avandu va nyola yo ubuluhu; na avandu va monya Musa, ni va vola, Kigira ki wa kwanegiridza kutwula Egepeti kukwiita na avana vetu, nemitugu gyetu nobuluhu?

Kyavalevi 24:10

Na mwana womukali wa Israeli, wa dada wewe ya li Muegepeti, ya twula kutsia hagati ha avana va Israeli; na mwana womukali wa Israeli no mundu mulala wa Israeli va duyana mu hokusosa:

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Livalidza 11:4

Na yavo avasangi ava li hagati havo, va li nelikayirwa linene: na avana va Israeli, navo kandi va lira ni va vola, Ni bwaha u li ku ha inyama ku lie?

Livalidza 20:19

Na avana va Israeli va mu volera, Ku lanegira ku inzira inene, kandi ni ku va ni ku nwa amadzi gogo, inze nemitugu gyange, ma nda ku tunga mitungu gyago: u mpe munwa mbite nevirenge vyange, bugira kukola kindi kindu.

Livalidza 32:1

Kunangwa avana va Rubeni na avana va Gadi va li nemitugu minyinga ligali: na, lwa va lola kivala kya Jazeri na kivala kya Gileadi, henza vi veye vilahi kukonya mitugu;

Kwidzulitsa 3:19

Navutswa avakali venyu, navana venyu, nemitugu gyenyu (kigira mmanya mu veye nemitugu minyingi), vi la menya mu madala genyu ga nda mu ha,

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.