Kutwula 12:29 - KITABU KITAKATIFU

²⁹ Kunangwa ubudiku hagati, Yahova ya kuya avatanga kwivulwa mu kivala kya Egepeti, kutanga ku wa tanga kwivulwa wa Farao wikala ku intebe yeye yobwami, kuduka ku wa tanga kwivulwa wa uyu wa bofwa wa li mu inyumba ya hasi yavahambe; kandi ku vyosi vya tanga kwivulwa ku mitugu.

Kutwula 12:29 ပူးပေါင်းရင်းမြစ်များ

Litanga 15:14

na ihiri zana, ya va li tumekira nda va kalagira: kandi lwenyima va la twula nobutugi bunyingi.

Ayubu 34:20

Mu idagika indala va kudzanga, kali mbudiku hagati; Avandu va vungululangwa nokuvita. Avetsingulu va twulidzangwa bugira mukono.

Zaburi 105:36

Kandi ya kuya ava tanga kwivulwa vosi mu kivala kyavo, Litanga lyetsingulu tsyavo tsyosi.

Zaburi 135:8

Wa kuya vyokutanga kwivulwa mu Egepeti, Kutanga ku avandu kuduka ku imitugu;

Zaburi 136:10

Ku uyu wa kuya Egepeti mu avatanga kwivulwa vavo; Kigira tsimbabasi tsitsye tsi veye ho mihiga nemihiga;

Zaburi 78:50

Ya lombera ubutima bwibwe inzira; Si yigalira likudza ku mwoyo gwavo, Navutswa ya haana livamwoyo lyavo ku ubulwaye.

Zaburi 78:51

Na ya kuya vosi ava tanga kwi vulwa mu Egepeti, Avanene vetsingulu tsyavo mu mahema ga Ham.

Kutwula 11:1

Na Yahova ya volera Musa Li veye ho liduya lilala lya ndeta ku Farao, noku Egepeti; lwenyima a la lakula mwinye, mu tsie: lwa a la mu lakula, a la mu kunga mu twulire ligali.

Kutwula 12:12

Kigira nda vita hagati hekivala kya Egepeti mu budiku yibwo, na nda kuya avatanga kwivulwa vosi ava veye mu kivala kya Egepeti, ku vandu noku mitugu; na nda leta likalaga ku vanyasaye vosi va Egepeti: Inze mbeye Yahova.

Kutwula 12:28

Na avana va Israeli va tsia ni va kola ndiyo; kuli Yahova ya laga Musa na Haruni, va kola ndiyo.

Kutwula 13:15

Na ga duka, lwa Farao ya lola budinyu kukuha munwa kutsia, Yahova yiita avatanga kwivulwa vosi mu kivala kya Egepeti, avatanga kwivulwa va avandu, na vyatanga kwivulwa vyemitugu: kigira yaga mbaana isadaka ku Yahova ku vyosi vyekisatsa vi kunula inda; navutswa avatanga kwivulwa ku avana vange mba nanula.

Kutwula 4:23

Kandi nku voleye, U he mwana wange munwa a tsie, a duke kuntumekira; na ive nu u suye kumuha munwa a tsie, henza, ndiita mwana wowo, munene wowo.

Kutwula 9:6

Na Yahova ya kola inkuva zana mugamba; na mitugu gyosi gya Egepeti gya kudza; navutswa ku mitugu gya avana va Israeli si gya kudza kali mulala mba.

Isaya 24:22

Na va la vungidzwa halala, kuli avahambi va vungidzangwa halala mu bogo, na va la bofwa mu inyumba yavahambe; na va la lolwa inyima wa madiku manyingi.

Isaya 41:11

Henza, yavo vosi va dunyira ive va la va isoni nokugenya: yavo va hing'ananga nive va la va avavutswa, nokudiva.

Isaya 51:14

Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba.

Jeremia 38:13

Kunangwa va twulidza Jeremia nemigoye, ni va mu vika kyova wobogo: na Jeremia ya menya mmugidzi gwavalindi.

Jeremia 38:6

Ma va gumira Jeremia, ni va mu ta mbogo bwa Malikija mwana womwami, bwa li mu mugidzi gwavalindi: na vikidza Jeremia nemigoye. Si ha li na madzi mbogo zana navutswa budohi; na Jeremia ya sikira mu budohi.

Habakuk 3:5

Ulukudzo lwimira imbiri wewe, Na amanda gaakanga muliru ga twula ha virenge vivye.

Zekaria 9:11

Ku ive kandi, kigira masahi gelilagana lilyo, nda twulidza avahambe vovo kutwula mbogo bu ta li na madzi.

Livalidza 3:13

kigira vosi ava tanga kwivulwa va voye avange, ku lidiku yilyo lya nda ouya ava tanga kwivulwa mu kivala kya Egepeti, ndetovolera avokutanga kwivulwa vosi mu Israeli, ku avandu noku mitugu; va la va avange: inze mbeye Yahova.

Livalidza 33:4

lwa Avaegepeti va li ni va tedzanga ava tanga kwivulwa vavo vosi, ava Yahova yiita muvo: kandi Yahova ya kola likalaga ku vanyasaye vavo.

Livalidza 8:17

Kigira ava tanga kwivulwa vosi mu avana va Israeli va veye avange, ku avandu noku mitugu: ku lidiku lya nda kuya ava tanga kwivulwa vosi mu kivala kya Egepeti nda va takasa va ve avange mwene.

Vahebraina 11:28

Ku lisuuvira ya kola lipasaka, nokwuha masahi, uyu wa dividza ava tanga kwivulwa a ta va dira.

Vahebraina 12:23

noku livugana linene lyavandu vosi, navo v a veye livugana lyavatanga kwivulwa, avameta gavo ga ng'odwa migulu, noku Nyasaye Mukalagi wa vosi, noku myoyo gyavandu valungi gya kolwa midukanu,