Kutwula 12:23 - KITABU KITAKATIFU

²³ Kigira Yahova a la vita hagati hekivala kukuya Avaegepeti; na hosi ha a lola masahi ku kividiru, noku maliva, Yahova a la vita ku muliango yigwo, na si a la leka mwononyi kuingira mu tsinyumba tsyenyu kumukuya mba.

Kutwula 12:23 ပူးပေါင်းရင်းမြစ်များ

2 Samweli 24:16

Na ingelosi lwa ya nyira mukono gwigwe ku Yerusalemi kulyononya, Yahova yeganira ku budamano vibu, na a volera ingelosi wononya avandu, Ga duki gaya mukono gugwo kalunu. Na ingelosi wa Yahova ya li himbi ku lodze lwa Arauna Mujebusi.

Ayubu 14:13

Nkano u mbisi mu Mung'ani, U nindi makiriri, kuduka lwobutima bubwo bu vita, U la ng'odera iny lga ya lagwa, nokunzidzulitsa

Kutwula 11:4

Na Musa ya vola, Yahova a vola ndi, Ubudiku hagati nda twula kutsia hagati ha Egepeti:

Kutwula 12:7

Kandi va la vugula masahi, nokugavika ku maliva noku vividiru vyetsinyumba tsya mu li lira mu ligondi zana.

Isaya 26:20

Hambi, mwinye avandu vange, wingire mu tsinyumba tsitsyo, u hane miliango gyigyo ku ive: wivise inyinga inkekeke, kuduka lwa kivi ki viti.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

1 Vakorintho 10:10

Kandi mu ta monya kuli avalala kuvo va mo nya, nomudividzi ya va dividza.

Vahebraina 11:28

Ku lisuuvira ya kola lipasaka, nokwuha masahi, uyu wa dividza ava tanga kwivulwa a ta va dira.

Vahebraina 12:24

noku Yesu mudukidzi welilagana lihya, noku masahi gufwa aga vola vilahi kuvita ga Habili.

Likunula 7:3

na a vola, Mu tononnya lirova, kinga inyanza, kinga misala, kuduka ku tange kuvika muhuri mu bweni bwa vatugwa va Nyasaye wetu.

Likunula 9:4

Kandi tsya volerwa tsi tononnya ubulimu bwelirova, kinga ku vyosi ki veye kivisi, kinga musala kali mulala, navutswa avandu ava ta veye nomuhuri gwa Nyasaye ku bweni bwavo.