Kutwula 12:19 - KITABU KITAKATIFU

¹⁹ Madiku gatano na gaviri ga ta loleka mamera mu tsinyumba tsyenyu: kigira ku vosi u lagira bwamamera, mundu uyu a la twulidzwa mu livugana lya Israeli, na a va na a veye mumenya, kinga mwivulwa mu kivala.

Kutwula 12:19 ပူးပေါင်းရင်းမြစ်များ

Kutwula 12:15

Mu la lagira ubukima bu ta li namamera madiku gatano na gaviri; ku lidiku lyokutanga mu la twulidza mamara gosi mu tsinyumba tsyenyu: kigira ku vosi u lagira ubukima bwa mamera kutwula ku lidiku lyokutanga kuduka ku lidiku lya gatano na gaviri mundu uyu a la twulidzwa mu Israeli.

Kutwula 12:20

Mu ta lagira kindu kali kilala kya mamera; mu la lagira ubukima bu ta li na mamera mu tsinyumba tsyenyu tsyosi.

Kutwula 12:43

Na Yahova ya volera Musa na Haruni, Lilaga lyelipasaka ni yili: Mundu wehiri yindi si a la lia ku mba;

Kutwula 12:48

Na mumenya u menyanga halala nive, ni yenya kulombera Yahova lipasaka, avekisatsa veve vosi va kevwe, kunangwa yesunde himbi kulilomba; naye a la fwanana nomundu wivulwa mu kivala kyenyu: navutswa mundu kali mulala u vula kukevwa a ta lia ku mba.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 13:7

Mu la lagira ubukima bu ta li na mamera madiku gosi gatano na gaviri; na ubukima bwamamera bu ta lolwa ku ive, kandi mamera gu ta lolwa ku ive, mu tsinzako tsitsyo tsyosi.

Kutwula 23:15

Mu la lomba lilia lyobukima bu ta li na mamera: madiku gatano na gaviri u la lagira ubukima bu ta li na mamera, kuli nda ku laga, mu inyinga ya tovolwa mu mweli gwa Abibu (kigira mu yigu wa twula mu Egepeti); kandi ha ta va nomundu u loleka imbiri wange vutswa:

Kutwula 30:33

Ku vosi u li tsukanya maguta kufwanana na yaga, kinga ku vosi u li vika maguta yaga ku mugeni, a la dividzwa kutwula mu avandu veve.

Kutwula 34:18

Lilia lyobukima bu ta li na mamera, ga ku dukira kulilinda. U la lagira ubukima bu ta li na mamera madiku gatano na gaviri, kuli nda ku laga, inyinga ya tovolwa mu mweli gwa Abibu; kigira mu mweli gwa Abibu wa twula mu Egepeti.

Kyavalevi 23:5

Mu mweli gwokutanga ku lidiku lya likumi na gane lyomweli, inyinga ya mgolova, li veye lipasaka lya Yahova.

Livalidza 9:13

Navutswa mundu u veye mulahi, kandi u ta veye mu lugendo, na a vula kulia lipasaka, mundu uyu a la twulidzwa mu avandu veve; kigira ya vula kuleta kyokuhaanwa ku Yahova ku inyinga yakyo ya lagwa, mundu uyu a la ginga ubwoni bwibwe.

Kwidzulitsa 16:3

U ta lia mamera halala na lipasaka; madiku gatano na gaviri u lagire ubukima bu ta li na mamera; nabwo bu veye ubukima bwobusaliri; kigira wa twula Egepeti nelididikana, u duke kwidzulilsa lidiku yili lya wa twula Egepeti, madiku gosi ga u veye mwoyo.