Kutwula 11:8 - KITABU KITAKATIFU

⁸ Kandi yava vosi avatumekiri vovo va la sulunguta ku inze, nokusigama imbiri wange nokuvola, Twula halala navandu vosi avalondanga ive: na lwenyima nda twula. Naye ya twula imbiri wa Farao nobutima bunene.

Kutwula 11:8 ပူးပေါင်းရင်းမြစ်များ

1 Avami 20:10

Benhadadi ya tuma vatumwa kuye kandi, na a vola, Avanyasaye va nkolere ndiyo kandi, nokuvita, ulugukyi lwa Samaria ni lu va ni lu duka avandu yava vosi ava londa inze, sa mulala a nyole uluhe lulala.

2 Avami 3:9

Ma mwami wa Israeli ya tsia, nomwami wa Yuda, nomwami wa Edom; va samula ku lugendo lwokuvodonkana madiku gatano na gaviri: na si ha li namadzi agelihe, nagetsinyama tsya va londa.

Nehemia 5:6

Na lwa nda hulira lilira lyavo na makuva gavo, nda vihirirwa ligali.

Zaburi 6:1

O Yahova u ta ng'ondokera mbutima bubwo, Kandi u ta ngerihidza mu budunyi bululu bubwo.

Kutwula 10:29

Na Musa ya vola, U voye bulahi; si nda lola mmoni mumwo kandi mba.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Danyeli 3:19

Hene yaho Nebukadinezaru yizula ubutima ubululu, na ligondo lyommoni mumwe lya galula ku Shadaraka, Meshaka, na Abedi-nego: ma ya vola, na a laga va vike muliru ml: kisambiru nokumeda mu kuduka hal katano na kaviri kuvita gu vedzanga gwamadiku gosi.

Livalidza 12:3

Mundu uyu Musa ya li muhokya ligali, kuvita avandu vosi ava li ku lirova.

Marko 3:5

Lwa ya va henza na a vihirirwa, na a verera kigira budinyu bwemyoyo gyavo, ya volera mundu, Nyira mukono gugwo. Na a nyira mukono ni gu hona ni gu leng'ana nogundi.

Kwidzulitsa 29:24

kuduka tsihiri tsyosi tsi la vola Kigira ki Yahova ya kola ndi kivala yiki? Kivune kyago ki veye ki kigira ki uluya lwelivihirirwa linene yili?

Kwidzulitsa 32:24

Inzala i la va dambidza, namanda gomuliru ga la va lia Nelidividzwa lilulu; Na nda leta kuvo amino getsinyama, Halala nobusungu bwevindu vi molanga mmarova.

Vahebraina 11:27

Ku lisuuvira ya twula Egepeti, ya vula kutia ubutima bwomwami; kigira yikudzira kuli a lola uyu u ta loleka.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.

Vakalagi 4:10

Na Baraka ya vugannya halala avandu va Zebuloni na Nafitali va tsia Kedesh; navandu tsielfu likumi vanegira ha virenge vivye: na Debora yanegira halala naye.

Vakalagi 8:5

Naye ya volera avandu va Sukothu, Mwadza, mu va he ubukima avandu va londanga inze; kigira va veye nehuyuki, na inze nondereranga Zeba na Zalimuna, avami va Midiani