Kutwula 11:3 - KITABU KITAKATIFU

³ Na Yahova ya ha avandu yavo liverererwa imbiri wa Vaegepeti. Kuvita yaga mundu uvu Musa ya li munene ligali mu kivala kya Egepeti, imbiri wa vatumekiri va Farao, na imbiri wa vandu vosi.

Kutwula 11:3 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 39:21

Navutswa Yahova ya li halala na Yosefa, na a mu vera tsimbabasi imbiri womulindi wenyumba yavahambe.

2 Samweli 7:9

na nda li halala nive hosi ha wa tsia, na nda kalaga avasigu vovo va twule imbiri wowo; na nda ku lombera lieta linene, kuli lieta lya vanene va veye mu lirova.

Esther 9:4

Kigira Mordekai ya li munene mu inyumba yomwami, na makuva geli dzominywa lilye ga landa mu tsi provinse tsyosi; kigira mundu uyu Mordekai ya; dasa kugwa munene kuvita.

Zaburi 106:46

Na ya va kola kuverererwa Imbiri wa yavo ava va lanya.

Kutwula 12:35

Na avana va Israeli va kola kuli likuva lya Musa; ni va teva Avaegepeti viju vyefetha, na vi ju vyethahabu, ne tsingubo:

Kutwula 12:36

na Yahova ya va ha liverererwa imbiri wa Avaegepeti, kuduka navo va va ha vyosi vya va teva. Navo va lanya Avaegepeti.

Kutwula 3:21

Na nda ha avandu yava tsimbabasi imbiri wa Avaegepeti: kunangwa, lwa mu tsia, si mu la tsia butswa:

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Vikolwa 7:22

Ku, Musa yegidzwa ubugeeri bwosi bwa Vaegepeti; kandi ya li netsingulu ku makuva gege noku miyinzi gyigye.

Kwidzulitsa 34:10

Na si ya vuka mu Israeli kutwula inyinga yeyo, muprofeti ku lugano lwa Musa, wa Yahova ya manya moni namoni,

Kwidzulitsa 34:11

ku vilolekidzu vyosi nevyokugennya, vya Yahova ya mu tuma kukola mu kivala kya Egepeti, ku Farao, no ku vatumekiri veve vosi, noku kivala kikye kyosi,

Joshua 4:14

Ku lidiku yilyo Yahova ya kuminya Joshua imbiri wetsimoni tsya Israeli vosi; navo va mu tia, kuli wa va tidzanga Musa, madiku gosi gelivamwoyo lilye.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.