Kutwula 10:9 - KITABU KITAKATIFU

⁹ Na Musa ya vola, Ku la tsia na avana vetu na vasakulu vetu; na avayai vetu na vakana vetu, na magondi getu na tsing'ombe tsyetu ku la tsia; kigira ga ku dukira kulombera Yahova lidiku linene.

Kutwula 10:9 ပူးပေါင်းရင်းမြစ်များ

Litanga 50:8

na inyumba yosi ya Yosefa, na avamwavo veve, na avenyumba ya dada wewe: avakekeke vavo veng'ine, na magondi gavo, na tsing'ombe tsyavo, va leka mu kivala kya Goshen.

Kutwula 10:10

Naye ya va volera, Ga ve ndiyo: Yahova a ve halala na mwinye, nduke kumulakula mu tsie, na avana venyu: henzi bulahi; kigira ubudamano bu veve imbiri wenyu.

Kutwula 10:26

Imitugu gyetu gyi la tsia halala nekwinye; si ku la leka kali luhagayu lulala; kigira ga ku dukira kuvugula kuvyo ku tumekire Yahova Nyasaye wetu; na si ku manya kya ku tumekira Yahova nakyo, ku luhe ku duke yo.

Kutwula 12:32

Kandi mu hile magondi genyu, na tsing'ombe tsyenyu, kuli mu voye, mu tsie; na mu ngasidze kandi.

Kutwula 12:37

Na avana va Israeli va tsia lugendo kutwula Ramesese kuduka Sukothu, livalidza lyavo lya li kuli avandu avasatsa tsielfu tsimia tsitano na indala, na avana halala navo.

Kutwula 12:38

Na kandi kiduma kinene ku yava ava hambana navo va tsia halala navo; kandi magondi, netsing'ombe, kuduka imitugu minyingi muno.

Kutwula 13:6

Madiku gatano na gaviri u la lagira ubukima bu ta li na mamera, nomu lidiku li kola gatano na gaviri li la va lilia lya Yahova.

Kutwula 3:18

Na va la hulira mwvoyo gugwo, na u la tsia, ive navakulundu va Israeli, mu la tsia ku mwami wa Egepeti, na mu la mu volera Yahova, Nyasaye wa Vahebraina, u vugani na kwinye: mwadza, u ku he munwa ku tsie lugendo lwa madiku gavaka mwigendinyama kulombera Yahova, Nyasaye wetu isadaka.

Kutwula 5:1

Kandi inyima Musa na Haruni va tsia, ni va volera Farao, Yahova, Nyasaye wa Israeli a volanga ndi, U he avandu vange munwa va tsie, va duke kunombera lidiku lyelisangala mwigendinyama.

Kutwula 5:3

Navo va vola, Nyasaye wa Vahebraina u vugani na kwinye: mwadza, u ku he munwa kutsia ulugendo lwa madiku gavaka mwigendinyama kulombera Yahova Nyasaye wetu isadaka; gase a la ku duya nobulwaye, kinga nekivavi.

Tsing'ano 3:9

U he Yahova lidzominywa nevi ndu vivyo, Nobuhya bwelimedeka lilyo lyosi:

Kohelethu 12:1

Widzulire Mulombi wowo mu madiku gobusoleli bubwo, madiku madamano ni ga kikiri kuduka, na mihiga kwisunda himba, gya u li vola ku makuva gagyo, si mbeye nobusangali kandi mu mihiga yigyi;

Livalidza 29:12

Na ku lidiku lyelikumi na gatano Iynmweli gwa gatano na gaviri mu la va nelivugana litakatifu; si mu la kola miyinzi gyobutugwa kali bulala, na mu la lomba lilia ku Yahova lyamadiku gatano na gaviri:

Vafeso 6:4

Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.