Kutwula 10:28 - KITABU KITAKATIFU

²⁸ Na Farao ya mu volera, Twula ku inze, welinde mwene, u ta lola mmoni mwange kandi; kigira lidiku lya u lola mmoni mwange u la kudza.

Kutwula 10:28 ပူးပေါင်းရင်းမြစ်များ

2 Kyetsinyinga 16:10

Asa ya vihirirwa muloli uyu, na a mu vika mu inyumba yavahambe; kigira ya nyola butima ubululu kuye ku inkuva yiyi. Inyinga yeyo Asa ya dambidza avalala ku avandu.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Kutwula 10:11

Ga ta va ndiyo: mu tsie mwinye avasatsa, mu tumekire Yahova; kigira ni yaga ga mwenyanga. Navo va kungwa kutwula imbiri wa Farao.

Kutwula 18:4

na lieta lya wundi lya gulikwa, Eliezeru; kigira ya vola Nyasaye wa dada wange, ya li mukonyi wange, na a nkonya ku kivavi kya Farao:

Amosi 7:13

navutswa u ta profeta kandi ha Beth-eli; kigira ha veye hatakatifu homwami, nayo ni inyumba yobwami.

Vahebraina 11:27

Ku lisuuvira ya twula Egepeti, ya vula kutia ubutima bwomwami; kigira yikudzira kuli a lola uyu u ta loleka.