Kutwula 10:23 - KITABU KITAKATIFU

²³ si va lolana mulala nowakye, kandi mundu si ya twula ha ya li kuduka madiku gavaka: navutswa avana va Israeli vosi va li nobulavu mu tsinyumba tsyavo.

Kutwula 10:23 ပူးပေါင်းရင်းမြစ်များ

Kutwula 14:20

nagwo gwa li hagati helihe lya Egepeti na lihe lya Israeli; na lya li ho lilesi na kisundi, navutswa lya kola ubulavu mu budiku: na lilala si lyesunda himbi na lindi mba ubudiku bwosi.

Kutwula 7:25

Na ga duka madiku gatano na gaviri, inyima wa Yahova ya li duya mugera.

Kutwula 8:18

Na vasegetiri va kola ndiyo nobusegetiri bwavo kuleta tsindaa, navutswa si va nyala mba: na tsindaa tsya li ku vandu, noku mitugu.

Kutwula 8:19

Hene yaho avasegetiri va volera Farao Inkuva yiyi i veye kidete kya Nyasaye: na mwoyo gwa Farao gwa dinyeridzwa, naye si ya va hulira mba; kuli Yahova ya vola.

Kutwula 8:22

Kandi ku lidiku yilyo ndavukanya kivala kya Goshen, ha avandu vange va menya, maduuma getsingi tsi vule kuva mu; ive u duke kumanya inze mbeye Yahova hagati helirova.

Kutwula 9:26

Mu kivala kya Goshen kyeng'ine, kya avana va Israeli va li mukyo, si ha li nembula yamagina.

Kutwula 9:4

Na Yahova a lavukanya mitugu gya Israeli na mitugu gya Egepeti; siki la kudza kindu kali kilala kya avana va Israeli.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Amosi 4:7

Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

Joshua 24:7

Navo lwa vanira Yahova ya vika kisundi hagati henyu na Vaegepeti, na ya leta inyanza kuvo, nokuvakunika; netsimoni tsyenyu tsya lola gosi aga nda kola mu Egepeti: na mwa menya mu kyangalangwi amadiku manyingi.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: