Kutwula 1:21 - KITABU KITAKATIFU

²¹ Kunangwa, kigira avivulidzi va li ava tia Nyasaye, ya va singeridzira avetsinyumba.

Kutwula 1:21 ပူးပေါင်းရင်းမြစ်များ

1 Avami 11:38

Na ga la va, ive nu u va nu u hulira gosi ga nku laga, no kugenda mu tsinzira tsyange, noku kola ubulungi imbiri wange, kugumira amalago gange nelilagana lyange, kuli mutumekiri wange Daudi ya kola; nda va halala nive, nda kwo mbakira inyumba yetsingulu, kuli ndombakira Daudi, nda ha ive Israeli.

1 Avami 2:24

Kunangwa ka lunu kuli Yahova a veye mwoyo, wa singeridza inze, nokumbika ku intebe ya Daudi dada wange, naye niye wa nombera inyumba, kuli ya suuviridza, ligali Adonija a liitwa lero.

Zaburi 112:1

Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

Zaburi 127:1

Yahova na a vula kwombaka inyumba, Avombakanga va nyankana vutswa; Yahova na a vula kulinda lidala, Mulindi a vukanga vutswa.

Zaburi 127:3

Henza, avana va veye miyandu gya Yahova; Na lwivulo lwenda lu veye madanyi gege.

Zaburi 37:3

U suuvire Yahova, na u kole bu lahi; U menye mu kivala, na u lie ubusuuvirifu bwibwe.

Kutwula 1:17

Navutswa avivulidzi va li ava tia Nyasaye, navo si va kola kuli mwami wa Egepeti ya va ha munwa, navutswa va linda avayai va ve mwoyo.

Tsing'ano 24:3

Inyumba yombakwa hobugeeri; Na i dinyeridzangwa nelimanya;

Kohelethu 8:12

Kali mwoni a kola ubu damano hali mia, nokumeda madiku gege kuva manyingi, navutswa inze manya ligali bu la va bulahi kuvo ava tidzanga Nyasaye, ava tidzanga imbiri wewe:

Jeremia 35:2

Tsia mu inyumba ya Varekabu, u va volere makuva, u va lete mu inyumba ya Yahova, mu inyumba indala, u va he iwaini va nwe.

1 Samweli 2:35

Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.

1 Samweli 25:28

Mwadza, u samehe ubukyamu bwange, inze mukana mutugwa wowo: kigira Yahova ligali a la ku lombera ive, munene wange, inyumba inkulumamu, kigira ive, munene wange, u lwananga ubulwani bwa Yahova; kandi ubudamano si bu la loleka mu ive tsinyinga tsitsyo tsyosi.