Kutwula 1:14 - KITABU KITAKATIFU

¹⁴ na va kola liva lyavo bululu ku butugwa butinyu, ku miyinzi gyobudohi na gyamatafali, na gyemilimi ku tsing'ano tsyosi, ubutugwa bwavo bwosi, yibwo bwa va va tugwa mu nobutugwa budinyu ligali.

Kutwula 1:14 ပူးပေါင်းရင်းမြစ်များ

Litanga 15:13

Na ya volera Abram, U manye ligali visukurulwi vivyo vi la va avamenya mu kivala ki ta li kyavo, na va la va tumekira; navo va la va dambidza mihiga tsimia tsine;

1 Avami 12:14

na ya va volera makuva gava soleli na a vola, Dada wange ya kola inira yenyu indiduhu, navutswa inze nda meda inira yenyu: dada wange ya mu kuya nolukova, navutswa inze nda mu kuya netsing'e.

Zaburi 129:1

Hali kanyinga va nkupidzi kivi kutwula lwa nkikiri mwana Kalunu Avaisraeli va vole,

Zaburi 68:13

Kali ni mu goni hagati hevigo vyamagondi, Mu la va kuli tsimbaha tsyelikuulu tsi kunikwa nefetha, Na mabaha galyo ga kunikwa nethahabu.

Zaburi 81:6

Nda twulidza livega lilye ku musigo: Makono gege ga twulidzwa ku kihinda.

Kutwula 1:11

Kunangwa va vika kuvo avasingiriri kuvadambidza nemisigo gyavo. Navo vombakira Farao madala gokuvika mu ubutugi, Pithom na Ramesese.

Kutwula 1:13

Kunangwa Avaegepeti va tuga avana va Israeli ubutugwa ubudinyu:

Kutwula 1:15

Kandi mwami wa Egepeti ya volera avivulidzi va Vahebraina, avomulala ya langwa Shifira, na wundi ya langwa Pua:

Kutwula 2:23

Kunangwa inyima wa madiku yago manyingi, mwami wa Egepeti ya kudza: na avana va Israeli va kenva kigira ubutugwa, na va lira na lilira lyavo lya duka imbiri wa Nyasaye kigira ubutugwa.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 6:9

Na Musa ya volera avana va Israeli kuli yaga: navutswa si va hulira Musa kigira ubululu bwemyoyo, kandi kigira ubutugwa budinyu.

Tsing'ano 28:15

Kuli liva lyeking'ang'a ki fwuma nga, na iduba i gendagenda; Ni ndiyo mudamano wamehanga ku avandu avadaka.

Isaya 10:24

Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

Isaya 14:6

avakuya avandu nobutima ku likuya lyakazozo, vameha ku tsihiri mu butima, neli dambidza lyomundu a vula kwigalira.

Isaya 51:23

nda ki vika mu makono ga yavo ava dambidzanga ive, ava volera mwoyo gugwo, Yinama hasi, kuduka ku sirire ku ivena ive u vike mugongo gugwo kuli marova, kuli inzira, ku yavo ava vitanga ku ive.

Isaya 52:5

Kunangwa kalunu, nkola ki hano, Yahova a vola, kigira avandu vange va hilangwa vutswa bugira ubuguli? Avamehanga kuvo va ha nzuka, Yahova a vola, lieta lyange li nyegangwa kazozo mbasu bei.

Isaya 58:6

Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

Kyavalevi 25:43

U la vula kwameha kuye nobudinyu, navutswa u la tia Nyasaye wowo.

Kyavalevi 25:46

Na mu la va kola kuva miyandu gya avana venyu inyima wenyu, kuva miyandu; ku yavo mu la vugula avatugwa venyu vyemihiga gyosi: navutswa mu tameha nobudinyu ku avamwavo venyu avana va Israeli mba.

Kyavalevi 25:53

Kuli mutumekiri u tungangwa ku muhiga nomuhiga a la va halala naye: si a lameha kuye nobudinyu imbiri wetsimoni tsitsyo mba.

Mika 3:3

kandi ava litsanga inyama yemibiri gya avandu vange, na ava nyenya magodo gavo, nokuvunannya vigumba vyavo, nokuvitemaga vidonye, kuli kuvivika mu inyingu, kuli inyama i veye mu sufuria.

Nahum 3:14

Daha madzi kigira likumbiridza lilyo; vike tsimpinga tsitsyo tsingulu; wingira mu budohi, u duvule lolongo, vika tsingulu ku kisambiru kyamatalali.

Livalidza 20:15

kuli avaguga vetu va sulunguta Egepeti, na kwa menya mu Egepeti inyinga inene; na Vaegepeti va ku kolera ubudamano, na avaguga vetu:

Vikolwa 7:19

Uyu ya kola ubugeeri bwobugadi ku ihiri yetu, na a dambidza vaguga vetu va te avana vavo kyova va ta va mwoyo.

Vikolwa 7:34

Lilola nda lola ubusaliri bwavandu vange ava veye mu Egepeti, kandi mmali kuhulira ubukenyi bwavo, na inze mmali kwika nduke kuvahonnya. Kalunu hamba, nda ku tuma kutsia Egepeti.

Kwidzulitsa 26:6

Vaegepeti va ku kolera budamano, ni va ku dambidza, ni va ku saliridza, nobutugwa budinyu:

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Ruth 1:20

Naye ya va volera, Mu ta nanga Naomi, mu nange Mara; kigira Wanyala. Vyosi u nkoleye bululu.