Kohelethu 9:5 - KITABU KITAKATIFU

⁵ Kigira ava veye mwoyo va manya va la kudza: navutswa ava kudza si va manya kindu mba, kandi si va veye namadanyi kandi; kigira lidzulitswa lyavo li mali kwivirirwa.

Kohelethu 9:5 ပူးပေါင်းရင်းမြစ်များ

2 Samweli 14:14

Kigira ga dukira kwinye ku kudza, na ku veye kuli madzi ga sunduka ku marova, aga ta nyalika kudolwa kandi; na Nyasaye si ya twulidza livamwoyo, navutswa ya lomba inzira, wa kungwa a vule kuva wa tebwa kutwula kuye.

Ayubu 14:21

Avana veve vayai va duka kwidzominywa, naye si a manya; Kandi va gehidzangwa, navutswa uyu si a manya yaga mba.

Ayubu 30:23

Kigira manya u la ndeta kuduka mu likudza Noku inyumba ya lomberwa avelivamwoyo vosi.

Zaburi 109:15

Va ve imbiri wa Yahova kazozo; A heridze lidzulitswa lyavo ku lirova;

Zaburi 6:5

Kigira mu likudza si ha li nekyokukwidzulitsira: Mu Kihadisi ibwaha u li ku santidza?

Zaburi 88:13

Navutswa ku ive, O Yahova, nzaniye; Na mugamba lisaala lyange li la duka imbiri wowo.

Kohelethu 1:11

Si ha veye nelidzulitsa amakula gokutanga; kandi si ha la va ho nelidzulitsa amakula gekiheri, aga li va ho lwenyima, hagati ha yava ava li duka lwenyima.

Kohelethu 2:16

Kigira si ha veye nokwidzulitswa mihiga nemi higa ku mugeeri, kuli musiru; kigira mu madiku gadzanga, yaga va la va ni va mali kwivirirwa. Nowobugeeri akudzaga ndi, ni halala kuli musiru

Kohelethu 7:2

Nobulahi kutsia ku inyumba ya va syomanga mu, kuvita kutsia ku ya va litsanga mu lisavo: kigira ni kyekiheri kyavandu vosi, uyu u veye mwoyo a la ganagana mmwoyo gwigwe.

Kohelethu 8:10

Ma nda lola mundu mudamano na a tebangwa, na va duka mu kilindwa; na yavo ava kola bulahi va twula hatakatifu, na vivirirwa mu lidala: yaga kandi na ga vutswa.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Kohelethu 9:4

Kigira ku uyu u hambanywa na va veye mwoyo vosi ha veye nelisuuvira kigira imbwa i veye mwoyo ni indahi kuvita king'ang'a kya kudza.

Isaya 26:14

Yavo va kudzi, si va la va mwoyo; va kudzi, si va la vuka kandi: kigira yaga ive wa duka kuvo nokuvononnya nelidzulitswa lyavo lyosi u mali kulidividza.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Luka 20:32

Lwanyima kandi mukali mwene ya kudza.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;